ءماجىلىس تازى مەن توبەتتى ساقتاۋ جانە كوبەيتۋ تۋرالى زاڭ جوباسىن قارايدى
بيۋرو وتىرىسىندا يتتەردىڭ ۇلتتىق تۇقىمدارىن ساقتاۋ جانە ءوسىمىن مولايتۋ ماسەلەسى بويىنشا دەپۋتاتتار باستاماسى بويىنشا ازىرلەنگەن زاڭ جوباسى قارالدى.
زاڭ جوباسىنىڭ نەگىزگى نورمالارى يتتەردىڭ ۇلتتىق تۇقىمدارى - تازى مەن توبەتتى ساقتاۋ، دامىتۋ جانە قالپىنا كەلتىرۋ جونىندەگى شارالاردى قابىلداۋ ءۇشىن قۇقىقتىق نەگىزدەر جاساۋعا باعىتتالعان.
جوبا بويىنشا جۇمىس بارىسىندا دەپۋتاتتار قازاق يت تۇقىمدارى، قازاق يت تۇقىمىنىڭ شىعۋ تەگى تۋرالى كۋالىك، قازاق يت تۇقىمدارىنىڭ ءبىرىڭعاي اسىل تۇقىمدى كىتابى، قازاق يت تۇقىمىنىڭ تازا تۇقىمدى ءيتى، قازاق يت تۇقىمدارىنىڭ ستاندارتتارى ۇعىمدارىن ناقتىلاۋعا باعىتتالعان تۇزەتۋلەر ەنگىزدى.
ەكىنشى وقىلىمدا ءماجىلىس دەپۋتاتتارى «وسىمدىكتەر الەمى تۋرالى» زاڭ جوباسىن ىلەسپە تۇزەتۋلەرمەن قارايدى.
سونىمەن قاتار الداعى جالپى وتىرىستا دەپۋتاتتارعا شۆەيتساريا كونفەدەراتسياسىنىڭ فەدەرالدىق كەڭەسىمەن باعالى مەتالداردان جاسالعان بۇيىمدارداعى سىنامالىق تاڭبانى ءوزارا تانۋ جونىندەگى كەلىسىمدەردى راتيفيكاتسيالاۋ تۋرالى، سونداي- اق قىتاي حالىق رەسپۋبليكاسىمەن ازاماتتىق اۋە كەمەلەرىن اۆياتسيالىق ىزدەستىرۋ جانە قۇتقارۋ سالاسىنداعى ىنتىماقتاستىق تۋرالى زاڭ جوبالارىن تالقىلاۋ ۇسىنىلادى.
توتەنشە جاعدايلار جانە دۇلەي ءزىلزالا ءقاۋىپ- قاتەرىن ازايتۋ جونىندەگى ورتالىق اراسىنداعى قازاقستان رەسپۋبليكاسىنىڭ اۋماعىندا ونىڭ بولۋ شارتتارى تۋرالى كەلىسىمدى راتيفيكاتسيالاۋ تۋرالى تاعى ءبىر زاڭ جوباسىن دەپۋتاتتار جۇمىسقا قابىلدايدى.
