ەلىمىزدە كىتاپحانا مەن كىتاپ وقۋعا دەگەن قىزىعۋشىلىق ارتقان

ۇلتتىق ستاتيستيكا بيۋروسىنىڭ مالىمەتى بويىنشا، كەلۋشىلەر سانى 2021 -جىلى 6 ميلليون ادامنان اسقان، دەپ حابارلايدى «حابار 24».

مادينا ءسادۋاقاسوۆانىڭ ماماندىعى اگرونوم. بوس ۋاقىتىندا دوستارىمەن بىرگە «وقىرماندار كلۋبىن» قۇرعان. ونىڭ مۇشەلەرى 30-دان اسقان ادامدار. كىتاپقۇمارلار ءجيى كەزدەسىپ، وقىعاندارىن تالقىلايدى.

ءمادينا ءسادۋاقاسوۆا، وقىرماندار كلۋبىنىڭ قۇرىلتايشىسى:

- ءبىز كىتاپقۇمارلار كلۋبىندا ءاربىر شىعارمانى نە بولماسا تۋىندىنى باستان- اياق زەرتتەيمىز. ءارتۇرلى جانرالارداعى كىتاپتاردى وقىپ، ونى تالدايمىز. ءبىراق وقىرمانداردىڭ كوپشىلىگى رومان، قازاق ادەبيەتى، ۋتوپيا، ديستوپيا جانە فانتاستيكا، قيال جانرىن جاقسى كورەدى.

«بۇگىندە قازاقستاندىق جازۋشىلاردىڭ تۋىندىلارى سۇرانىسقا يە»، - دەيدى استاناداعى ورتالىق كىتاپحانا وكىلدەرى. ايتا كەتەيىك، مۇندا جىل سايىن 7 مىڭنان استام جاڭا وقىرمان تىركەلەدى. سونىمەن قاتار ەگەر پايدالانۋشىلاردىڭ % 30 ستۋدەنتتەر بولسا، قالعاندارى ورتا جاستاعى ادامدار مەن زەينەتكەرلەر.

گۇلايىم جۇمابايەۆا، م. اۋەزوۆ اتىنداعى ورتالىق قالالىق كىتاپحانا ءبولىمىنىڭ باسشىسى:

- قازىر كىتاپ سۇيەر قاۋىمنىڭ سانى ارتۋدا. بۇل ءبىر ءۇردىس سەكىلدى. جاستار جاڭا تۋىندىلارعا قىزىعۋشىلىق تانىتادى. جانە ءىلياس ەسەنبەرليننىڭ «كوشپەندىلەر» كىتابىن قازاق جانە ورىس تىلىندە وقيتىندار كوپ. سونداي- اق، احمەت بايتۇرسىنوۆ پەن بەردىبەك سوقپاقبايەۆتىڭ تۋىندىلارى دا سۇرانىسقا يە.

دارىن قۇماربەك ل. ن. گۋميليەۆ اتىنداعى ە ۇ ۋ ستۋدەنتى:

- ۋنيۆەردەن كەيىن وسى كىتاپحاناعا كەلىپ، ءازىلحان نۇرشايىقوۆتىڭ «اقيقات پەن اڭىز»، جۇسىپبەك ايماۋىتوۆتىڭ «اقبىلەك» رومانىندا قازىرگى ۋاقىتتا دا ۇلكەن رۋحاني تالىمدىك قىرلارى مەن ءمانى دەپ ايتقىم كەلىپ تۇر.

بۇگىندە ساياحات، موتيۆاتسيا جانە ءوزىن- ءوزى دامىتۋ جونىندەگى تۋىندىلاردى وقيتىندار كوپ- دەيدى ماماندار. شەتەلدىك، سونداي- اق قازاق جانە ورىس كلاسسيكتەرىنىڭ روماندارىنا دا سۇرانىس ارتقان.

www.24.kz