اتاقتى اكتەر قازا تاپقان جانتۇرشىگەرلىك ۆيدەو جارتى عاسىردان سوڭ تابىلدى

بۇل تۋرالى كينوستۋديا سايتىندا حابارلاندى.

ۋربانسكي اپات بولعان كەزدە نەبارى 33 جاستا ەدى. بۇل 1965-جىلى قاراشادا «ديرەكتور» فيلمىنىڭ تۇسىرىلىمىندە بولعان وقيعا ەكەن. ەڭ تانىمال اكتەردىڭ قايعىلى ءولىمى ونداعان جىل ىشىندە كوپتەگەن قاۋەسەتتەرگە ارقاۋ بولعان.

كارتينا ءتۇسىرىلىمىنىڭ ءبىر بولىگى وزبەكستاندا - بۇحارادان 40 شاقىرىم جەردە وتكەن. 5- قاراشادا اۆتوكولوننانىڭ قۇم ارقىلى ءوتۋ ساحناسى تۇسىرىلەتىن بولعان. ءتۇسىرىلىم كەزىندە اكتەر تىزگىندە وتىرعان كاسكادەرمەن بىرگە ءۇستى اشىق كولىكپەن كەلە جاتقان. وسىلايشا، قۇم ۇستىمەن ءوتۋ كەزىندەگى كۇردەلى تريۋك ۋربانسكيدىڭ ولىمىنە سەبەپ بولدى.

اكتەردىڭ ءومىرىنىڭ سوڭعى مينۋتتارى جازىلعان بىرەگەي كادرلار فيلم كينوستۋدياسىنداعى قىزمەتتىك بولمەلەردى اۋقىمدى ينسپەكتسيالاۋ كەزىندە تابىلعان. ولاردىڭ بىرىندە 70 م م قوراپ جاتقان. وندا «وتە ماڭىزدى!» جانە «ۋربان» دەپ جازىلعان.

ەسكەرتۋ! ۆيدەودا جانتۇرشىگەرلىك كادرلار بار:

ۋربانسكي اۋىر جاراقات الدى، باس سۇيەگى سىنعان. اكتەر اۋرۋحانادا قايتىس بولدى.

«تريۋك دۇرىس دايىندالماعانى انىق. بۇل، ەڭ بولماعاندا، توپتىڭ ءتۇسىرىلىم ورنىن بىرنەشە رەت وزگەرگەنىنەن بايقالادى. بۇل تريۋك وزدىگىنەن جاسالعان سياقتى - الدىن-الا دايىندىق بولماعان. ول جالپى ءتۇسىرىلىم الاڭىندا «تۋعان» شىعار»، - دەپ ءتۇسىندىردى رەجيسسەر كارەن شاحنازاروۆ.