الەمدە ءجيى شاعىم تۇسىرىلەتىن اۋەجايلار ءتىزىمى جاريالاندى

بۇل تۋرالى گاۆايداعى دەمالىس تۋرالى جازاتىن Hawaiian Islands باسىلىمى ءوز زەرتتەۋىندە جازدى.

رەيتين باسىندا ۇلى بريتانيالىق مانچەستەر قالاسىنىڭ اۋەجايى تۇر. شامامەن 82,5 پايىز پىكىر نەگاتيۆ جانە شاعىم تۇسىرىلگەن. نەگىزىنەن مىناداي سوزدەر ءجيى كەزدەسەدى: «قىسىلۋ»، «جەتىسپەۋشلىك»، «كەزەكتە تۇرۋ» جانە «فارس». انتيرەيتينگتىڭ كۇمىس جۇلدەسىن كريت ارالىندا ورنالاسقان يراكليوننىڭ «نيكوس كازاندزاكيس» اۋەايلاعى الدى. ءۇشىنشى ورىن لوندوندىق ستانستەد اۋەجايىنا بۇيىردى.

ودان كەيىن تورونتوداعى كانادا اۋەجايى جانە بوردوداعى فرانتسۋز اۋەجايى جاعىمسىز پىكىرلەرگە يە بولعان. ۇلى بريتانيانىڭ لۋتون (لوندون) جانە بريستول سىندى اۋەايلاقتارى، سونداي-اق بەرلين، بريۋسسەل جانە بەسىنشى رەسپۋبليكانىڭ (فرانسيا) تاعى ءبىر اۋەپورتى - بوۆە تيللە دە وندىققا كىردى.

ءبىر قىزىعى، جولاۋشىلار اعىنى بويىنشا الەمدەگى ەڭ كوپ جۇمىس ىستەيتىن 20 اۋەجاي ەڭ «سترەستىك» 25 اۋەجايدىڭ قاتارىنا كىرمەگەن. بۇل رەيتينگكە رەسەيدىڭ كراسنودار قالاسىنىڭ اۋەجايى دا كىردى، ونىڭ كورسەتكىشى 52,52 پايىز.

ماماندار بۇكىل الەم بويىنشا 500 دەن اسا اۋەجايلاردا 1500 دەن اسا Google شولۋلارىن قارادى: اۋە ايلاقتارى نارازىلىق تۋرالى ەسكەرتۋلەردىڭ جيىلىگىنە جانە پىكىر اۆتورلارىنىڭ شاعىمدارىنىڭ سانىنا بايلانىستى باعالاندى.