قازاق-وزبەك شەكاراسىنداعى «ب. قونىسبايەۆ» پۋنكتىنىڭ وتكىزۋ الەۋەتى ارتتى

بۇل تۋرالى ورتالىق كوممۋنيكاتسيالار قىزمەتىندەگى بريفينگىدە مەملەكەتتىك كىرىستەر كوميتەتى ءتوراعاسىنىڭ ورىنباسارى باقىتجان سلياموۆ ءمالىم ەتتى، دەپ حابارلايدى قازاقپارات ءتىلشىسى.

«2020-جىلى بيۋجەت قاراجاتى ەسەبىنەن «ب. قونىسبايەۆ» اۆتوموبيل وتكىزۋ پۋنكتى جاڭارتىلىپ، اۋماعى 3,6 گەكتاردان 6 گەكتارعا دەيىن كەڭەيتىلدى. بۇل - قازاق-وزبەك شەكاراسىنداعى ەڭ ءىرى پۋنكتەردىڭ ءبىرى. قۇرىلىسقا ارنالعان ينۆەستيتسيالىق شىعىندار شامامەن 15 ميلليارد تەڭگە بولدى. پۋنكت تاۋلىگىنە 1,5 مىڭ كولىك قۇرالىن جانە 10 مىڭ جەكە تۇلعانى قوزعالىستىڭ ەكى باعىتىندا، ونىڭ ىشىندە 1 مىڭ جۇك كولىگىن جانە 500 گە دەيىن جولاۋشىلار كولىگىن وتكىزۋگە قاۋقارلى. مۇندا 2019-جىلدىڭ جەلتوقسانىنان باستاپ 2022-جىلعى قازانعا دەيىن 230525 كولىك قۇرالى ءوتتى. ودان 3248 ميلليون تەڭگەدەن استام كەدەندىك باج بەن سالىق ءتۇستى»، - دەپ توقتالدى باقىتجان سلياموۆ.

ايتا كەتەيىك، بيىل 1- جەلتوقساننان باستاپ وزبەكستان مەن قازاقستان اراسىنداعى «قاپلانبەك» جانە «زانگيوتا» اۆتوموبيل وتكىزۋ پۋنكتەرى جوندەۋگە جابىلادى. باقىتجان سلياموۆتىڭ ايتۋىنشا، جوندەۋ جوسپارلانىپ وتىرعان قالعان وتكىزۋ بەكەتتەرى جابىلمايدى، دەگەنمەن كولىك پەن جەكە تۇلعالاردىڭ قوزعالىسىنا شەكتەۋلەر ەنگىزىلەدى.

ەسكە سالساق، بيىل شەكاراداعى 9 اۆتوموبيل جانە 1 تەمىرجول وتكىزۋ پۋنكتى جوندەلەدى.