قىتايدى كوروناۆيرۋس قايتا اينالدىردى

بەيجىڭنىڭ ءوز باسىندا دا جاعداي قيىن. بەيجىڭدە بۇقارالىق شارالار وتكىزۋگە قاتاڭ تىيىم سالىندى. ياعني كورمە ۇيىمداستىرىپ، كوپشىلىكپەن بىرگە جاتتىعۋ جاساۋعا بولمايدى. قوعامدىق مەكەمەلەردە قايتا بەتپەردە تاعىپ ءجۇرۋ مىندەتتەلدى.

يان بەيبەي، بەيجىڭ قالاسى چاويان اۋدانى اكىمشىلىگى باسشىسىنىڭ ورىنباسارى:

- زەرتتەۋلەر كەزىندە اۋرۋ كوبىنەسە بەتپەردەسىز جۇرگەن ادامدارعا جۇققانىن انىقتادىق. سوندىقتان ماسكانى قايتارۋعا تۋرا كەلدى.

بەيجىڭدەگى جاعداي وسىدان ەكى جىل بۇرىن بولعان احۋالعا ۇقساس. مەيرامحانالاردىڭ كوبى تاعامداردى جەتكىزۋ جۇيەسى ارقىلى جۇمىس ىستەپ جاتىر. مەكتەپتەر ونلاين وقىتۋعا كوشكەن. حالىق كۇن سايىن پ ت ر تەست تاپسىرىپ الەك.

حۋ سيان، ق ح ر اۋرۋلاردى باقىلاۋ باسقارماسىنىڭ ينسپەكتورى:

- رەتسىز تەكسەرۋلەرگە جول بەرمەۋ ءۇشىن باقىلاۋدى كۇشەيتۋ قاجەت. ەلدى مەكەندەردە كەڭسەلەر مەن وندىرىستەردى نەگىسسىز جابۋعا جول بەرمەۋ كەرەك.

شەكتەۋ شارالارىنا بايلانىستى قازىر الەۋمەتتىك جەلىلەردە قىزۋ پىكىرتالاس. ال بيلىك تۇرعىنداردى اسا قاجەت بولماسا سىرتقا شىقپاۋعا شاقىردى.

www.24.kz