جاھاننىڭ جىلىنۋى: پورتتاردى سۋ باسىپ، كەمە قوزعالتقىشتارى ىستەن شىعۋى مۇمكىن

«بريتاندىق مەتەرولوگيالىق قىزمەتتىڭ زەرتتەۋىنە سايكەس، شامامەن 10-15 جىلدان كەيىن پارسى شىعاناعى بەتىنىڭ تەمپەراتۋراسى 36 گرادۋس بولادى، 38 نەمەسە 40 گرادۋس بولۋى دا ىقتيمال»، - دەدى ۇلى بريتانيا قورعانىس مينيسترلىگى كليماتتىڭ وزگەرۋى جونىندەگى باس ساراپشىسى گەنەرال- لەيتەنانت ريچارد نۋدجي بريتان پارلامەنتىندە سويلەگەن سوزىندە.

ونىڭ ايتۋىنشا، جاھاندىق جىلىنۋ ناتيجەسىندە دۇنيەجۇزىلىك مۇحيت تەمپەراتۋراسىنىڭ كوتەرىلۋى تەڭىز سۋىمەن سالقىنداتىلاتىن كەمە قوزعالتقىشتارى ءۇشىن وزىندىك «جىلۋ كورپەسىنە» اينالۋى مۇمكىن.

«كەمەلەردە قيىندىقتار تۋىنداۋى مۇمكىن، سەبەبى ولاردا سالقىنداتقىش بولمايدى. كەمە كاپيتاندارى قازىردىڭ وزىندە 38-40 گرادۋستى ايتپاعاندا، قازىرگى تەڭىز بەتىندەگى تەمپەراتۋرادا قوزعالتقىشتاردىڭ ىستەن شىعىپ جاتقانىن ايتىپ جاتىر»، - دەدى اسكەري ساراپشى.

زەرتتەۋلەر باتىس انتاركتيكالىق مۇز قاباتىنىڭ جانە گرەنلانديانىڭ مۇز جامىلعىسىنىڭ تەز ەرۋى ناتيجەسىندە الەمدىك مۇحيت دەڭگەيى 10 مەترگە كوتەرىلەتىنىن كورسەتەدى. مۇنىڭ سالدارىنان بريتاندىق پورتتاردى سۋ باسۋى مۇمكىن.

فوتو: MOSAiC/Steffen Graupner

اۆتور

اياۋلىم التىنبەك