الماتىدا كولىكتەرگە سۋ قوسىلعان بەنزين قۇيۋ وقيعاسى تەكسەرىلىپ جاتىر
وقيعانىڭ ۆيدەوسى الەۋمەتتىك جەلىدە تارادى.
اتالعان ماسەلە بويىنشا قازاقپارات ءتىلشىسىنىڭ ساۋالىنا الماتى قالاسىنىڭ كاسىپكەرلىك جانە ينۆەستيسيالار باسقارماسىندا جاۋاپ بەردى.
ۆەدومستۆو مالىمەتىنشە، كەشەگى جاڭبىردان سوڭ «گازپرومنەفت» اۆتوجانارماي قۇيۋ ستانسياسىنىڭ بەنزين ساقتايتىن رەزەرۆۋارىنا سۋ اققان. بۇدان كەيىن شامامەن 10 اۆتوكولىككە سۋ قوسىلعان بەنزين قۇيىلعان.
«قازىرگى ۋاقىتتا سۋ قوسىلعان بەنزين قۇيىلعان 7 اۆتوكولىك يەسى مەن ۆيدەو اۆتورىنىڭ زالالى وتەلدى. سونىمەن قاتار جانارماي قۇيۋ ستانسياسىن پايدالانۋ ءبولىمى اتالعان وقيعاعا تەكسەرىس جۇرگىزۋدە»، - دەدى قالالىق كاسىپكەرلىك جانە ينۆەستيسيالار باسقارماسى.
