ترانسشەكارالىق سۋلار بويىنشا ۇكىمەتارالىق كەلىسىمدەردى جەتىلدىرۋ كەرەك - ءاليحان سمايىلوۆ

«ەلىمىزدىڭ ازىق- تۇلىك قاۋىپسىزدىگى اۋىل شارۋاشىلىعىنا قاجەتتى سۋدىڭ جەتكىلىكتى بولۋىنا تىكەلەي بايلانىستى. بۇگىندە قاجەت سۋ كولەمىنىڭ جارتىسىنان كوبى اگرارلىق سەكتورعا تيەسىلى. دەگەنمەن، اۋىل شارۋاشىلىعىن سۋمەن قامتاماسىز ەتۋ سۋ تاپشىلىعىنا بايلانىستى جىل وتكەن سايىن قيىنداپ كەلەدى. بۇعان بىرنەشە فاكتور اسەر ەتىپ وتىر. بىرىنشىدەن، كورشى ەلدەردىڭ اۋماعىنان كەلەتىن سۋعا تاۋەلدىمىز. ەكىنشى فاكتور - ءبىزدىڭ وڭىردە سۋدىڭ از جينالۋى. ءۇشىنشى - كانالدارداعى سۋدىڭ شىعىنى جوعارى، سونداي- اق سۋدى ۇنەمدەۋ تەحنولوگيالارى جەتكىلىكسىز. وسىعان قاراماستان، قابىلدانعان شارالاردىڭ ناتيجەسىندە بيىلعى ۆەگەتاتسيالىق كەزەڭ قالىپتى جاعدايدا ءوتتى»، - دەدى ءا. سمايىلوۆ.

وسى ورايدا ۇكىمەت باسشىسى كورشى مەملەكەتتەردىڭ سۋ قويمالارىنان قوسىمشا سۋ كولەمى جىبەرىلگەنىن ايتتى.

«سونداي- اق، سۋمەن قامتاماسىز ەتۋ نىساندارىندا قاجەتتى تەحنيكالىق جۇمىستار جۇرگىزىلدى. بۇل جۇمىستى ءارى قاراي جالعاستىرىپ، كەلەسى ۆەگەتاتسيالىق كەزەڭگە ارنالعان جوسپارلاردى بەكىتۋدىڭ ماڭىزى زور. بىرىنشىدەن، قازىرگى سىن- قاتەرلەردى ەسكەرە وتىرىپ، ترانسشەكارالىق سۋلار بويىنشا ۇكىمەتارالىق كەلىسىمدەردى جەتىلدىرۋ جۇمىستارىن تۇراقتى تۇردە جۇرگىزۋ قاجەت. ەكولوگيا مينيسترلىگى مۇددەلى مەملەكەتتىك ورگاندارمەن بىرلەسىپ، بۇل ماسەلەنى ەرەكشە باقىلاۋدا ۇستاۋى كەرەك»، - دەدى پرەمەر- مينيستر.

اۆتور

رۋسلان عابباسوۆ