امەريكالىق ينۆەستورلار پاۆلودار وبلىسىندا كارتوپ ءوسىرۋى مۇمكىن
«بىزدە سۋارمالى جەردەن كەيىنگى وزەكتى ماسەلە - قويما. شارۋالاردىڭ كوبى كوكونىس وسىرەدى، ال ول ءونىمدى ساقتايتىن ورىن جوق. سوندىقتان بيىل «ۆيكتوريا» جانە «ЛидерPVL» شارۋا قوجالىقتارى 20 مىڭ توننالىق قويما سالدى. «پاۆلودارناتۋرپرودۋكت» ج ش س بيىل سۋرمالى جەردى 800 گەكتارعا ۇلعايتىپ، 10 مىڭ تونناعا قويما سالدى. «شىعىس- اليانس» ج ش س سۋارمالى جەردى 210 گەكتارعا ۇلعايتتى، - دەدى اقسۋ قالاسىنىڭ اكىمى نۇرلان دۇيسەمبينوۆ جيىندا.
وعان قوسا، قالا اكىمى كارتوپ وڭدەۋمەن اينالىساتىن ينۆەستورعا كاسىپورىن سالۋ ءۇشىن ءۇش ورىن كورسەتىلگەنىن اتاپ ءوتتى.
«امەريكالىقتار كەلدى. ءبىز ولارعا جىلىجايدىڭ ارتىنداعى، يندۋستريالىق ايماقتاعى، ۇشتەرەك اۋىلىنىڭ ماڭىنداعى ورىنداردى كورسەتتىك. ولارعا جاقىن جەردە تەمىر جول بولعانى ماڭىزدى. قازىرگى ۋاقىتتا قاراستىرۋدا»، - دەدى نۇرلان دۇيسەمبينوۆ.
قالا باسشىسى الداعى ۇزاق ۋاقىتتىق جوسپاردا قانت زاۋىتى مەن كراحمال زاۋىتىن سالۋ تۇرعانىن ايتتى. ەڭ ءبىرىنشى قانت زاۋىتى قولعا الىنادى.
ايتا كەتەيىك، جىل باسىنان بەرى اقسۋ قالاسىندا نەگىزگى كاپيتالعا ينۆەستيتسيالاردىڭ % 2,6 ءوسۋى بايقالادى، ول 60,8 ميلليارد تەڭگەنى قۇرادى.
