الماتىدا سايلاۋ پروتسەسى شتاتتىق رەجيمدە ءوتىپ جاتىر - فرانسۋز بايقاۋشىسى
بۇل تۋرالى باسپا ءسوز ورتالىعىنىڭ الاڭىندا بايقاۋشى، فرانسيا رەسپۋبليكاسىنىڭ سەناتورى، ەۋروپالىق ىستەر جونىندەگى تۇراقتى كوميتەت ءتوراعاسىنىڭ ورىنباسارى، زاڭناما جونىندەگى تۇراقتى كوميتەتتىڭ حاتشىسى اندرە مارسەل رەيشارد ايتتى، دەپ حابارلايدى قازاقپارات ءتىلشىسى.
«قازاقستان ەۋروپالىق وداقتىڭ قىزىعۋشىلىعىن تۋدىرادى، ويتكەنى رەسەي فەدەراتسياسى مەن قىتاي حالىق رەسپۋبليكاسى سياقتى ءىرى ەلدەرمەن كورشىلەس ورنالاسقان»، - دەدى سپيكەر.
اندرە مارسەل رەيشار قازاقستان قازىر دامۋدىڭ وتە ماڭىزدى كەزەڭىنەن ءوتىپ جاتقانىن ايتتى.
«قازىر قازاقستان حالقى داۋىس بەرۋ ارقىلى ەلدىڭ بولاشاعى تۋرالى ءوز شەشىمىن قابىلداۋدا»، - دەدى سپيكەر.
اندرە مارسەل رەيشار تاڭەرتەڭ الماتىداعى ءتورت سايلاۋ ۋچاسكەسىنە بارىپ ۇلگەرگەنىن، تۇستەن كەيىن تاعى سونشا سايلاۋ ۋچاسكەسىنە بارۋدى جوسپارلاپ وتىرعانىن ءمالىم ەتتى.
«مەن سايلاۋ پروتسەسىنىڭ ءوتۋىن قالىپتى دەپ باعالايمىن، ءبارى قالىپتى رەجيمدە ءجۇرىپ جاتىر. پروتسەسس ستاندارتتى بولىپ تابىلادى: ادام كەلەدى، جەكە كۋالىكتى كورسەتەدى جانە جەرگىلىكتى سايلاۋ كوميسسياسى ونى سايلاۋشىلار تىزىمىنەن تەكسەرەدى، سودان كەيىن ول قول قويادى، سودان كەيىن عانا وعان ءبىر سۇراق بار بيۋللەتەن بەرىلەدى. ەڭ باستىسى، پرينتسيپتى ساقتاۋ ءۇشىن ءبارى جاسالۋدا: ءبىر سايلاۋشى - ءبىر داۋىس»، - دەدى اندرە مارسەل رەيشارد.
