قاماۋداعى «ديكي» ارمان پرەزيدەنتكە ۇندەۋ جولدادى

ميتينگتە قان توگىلمەۋىنە جول بەرمەۋگە تىرىستىم. ەلدى بىرلىككە شاقىرۋعا كۇش سالدىم. حالقىمدى قورعاعىم كەلدى. قازىر سول ءۇشىن قاپاستا وتىرمىن. ارانداتۋشىلاردىڭ جولىن كەسكىم كەلدى، سوندىقتان وسىلاي جاسادىم، - دەيدى ول.

7- قاڭتاردا الماتىداعى ارنايى وپەراتسيا بارىسىندا «ديكي» ارمان (جۇماگەلديەۆ - رەد.) باستاعان ۇيىمداسقان قىلمىستىق توپتىڭ 6 مۇشەسى ۇستالعان بولاتىن. قىلمىسكەرلەردەن ءتۇرلى ماركا مەن كاليبرلى 4 جارتىلاي اۆتوماتتى تاپانشا، وق-ءدارى، سۋىق قارۋ مەن بروندالعان كولىك تاركىلەنگەن.

ايتا كەتەيىك، 6- قازاندا الماتى اۋدانارالىق سوتى تەرگەۋ ءوتىنىشىن قاراپ، ارمان جۇماگەلديەۆتى قاماۋ مەرزىمىن 7- جەلتوقسانعا دەيىن ۇزارتتى.

باس پروكۋراتۋرا مالىمەتىنشە، ارمان جۇماگەلديەۆ كەلەسى باپتار بويىنشا كۇدىكتى رەتىندە قاماۋعا الىنعان:

قىلمىستىق كودەكستىڭ 287-بابى 4-بولىگى (اتاتىن قارۋدى، وق-دارىلەردى، جارىلعىش زاتتاردى نەمەسە جارىلعىش قۇرىلعىلاردى ادامدار توبىنىڭ الدىن الا ءسوز بايلاسۋ بويىنشا نەمەسە بىرنەشە رەت زاڭسىز الۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ءجۇرۋ)؛

قىلمىستىق كودەكستىڭ 272-بابى (جاپپاي تارتىپسىزدىكتەرگە قاتىسۋ، كۇش قولدانۋمەن، قيراتۋمەن، ورتەۋمەن، بۇزۋمەن، مۇلىكتى جويۋمەن، اتىس قارۋىن، جارىلعىش زاتتاردى نەمەسە جارىلىس قۇرىلعىلارىن قولدانۋمەن، سونداي-اق بيلىك وكىلىنە قارۋلى قارسىلىق كورسەتۋمەن ۇلاسقان، ونىڭ ىشىندە شەتەلدىك كوزدەردەن الىنعان قاراجاتتى پايدالانا وتىرىپ جاپپاي تارتىپسىزدىكتى ۇيىمداستىرۋ)؛

قىلمىستىق كودەكستىڭ 126-بابى 3-بولىگى 3-تارماعى (ومىرگە نەمەسە دەنساۋلىققا قاۋىپتى كۇش قولدانىپ «ادامدى باس بوستاندىعىنان زاڭسىز ايىرۋ»).