قۇتقارۋشىلارعا پاتەراقى تولەنە مە - ۆيتسە-مينيستر جاۋاپ بەردى
«مەملەكەت باسشىسى قاسىم-جومارت توقايەۆ ازاماتتىق قورعاۋ ورگاندارى قىزمەتكەرلەرىنىڭ جالاقىسىن ارتتىرۋ تۋرالى تاپسىرما بەردى. سوعان وراي كەشەندى جوسپار قۇرىلىپ، ناقتى قادامدار جاسالدى. ەندى ەڭبەكاقى كولەمى 10 نان 70 پايىزعا دەيىنگى ارالىقتا وسەدى دەپ جوسپارلانىپ وتىر. بۇل ءبىرىنشى كەزەكتە، ءورت سوندىرۋشىلەرگە قاتىستى. ناقتى كەلەسى جىلدىڭ باسىندا جالاقى ارتادى دەپ كۇتىلۋدە»، - دەدى مارات كۇلدىكوۆ.
ونىڭ ايتۋىنشا، اسكەريلەر مەن پوليتسەيلەرگە تولەنەتىن پاتەراقىنى قۇتقارۋشىلارعا دا بەرۋ ماسەلەسى نازاردان تىس قالمادى.
«باسپاناسى جوق قۇتقارۋشىلارعا اي سايىن پاتەراقى تولەۋدى كەشەندى جوسپاردا قاراستىردىق. ءبىراق ءالى ناقتى شەشىلگەن جوق. قارجى جانە ۇلتتىق ەكونوميكا مينيسترلىكتەرىمەن كەڭەسىپ جاتىرمىز. البەتتە، ءبىز قۇتقارۋشىلارعا پاتەراقى بەرىلىپ، ماتەريالدىق جاعدايىنىڭ جاقسارۋى ءۇشىن ءتيىستى جۇمىستاردى اتقارامىز»، - دەدى ۆيتسە-مينيستر.
