الماتى وبلىسىندا مەكتەپ وقۋشىسى تاپتالىپ قالا جازدادى

وسىعان بايلانىستى مەكتەپ ديرەكتورىنا سوگىس جاريالاندى، دەپ حابارلايدى قازاقپارات ءتىلشىسى.

ونىڭ ۆيدەوسى الەۋمەتتىك جەلىدە تارادى. وقيعا تالعار اۋدانىنداعى №3-مەكتەپتە بولعان.

«ساباق ۋاقىتى بىتكەن سوڭ، بالالار جاپپاي گاردەروبقا سىرت كيىمىنە قاراي جۇگىردى. كۋاگەرلەردىڭ ايتۋىنشا، قىز ەدەنگە قۇلاپ، ەسىنەن تانىپ قالعان. وقيعا كەشە بولعان. وسى وقيعادان كەيىن مەكتەپ شتاتتا كيىم ىلەتىن جەردە تۇراتىن ادام بولماعاندىقتان، سىرت كيىمدەرىن سىنىپقا الىپ كىرۋگە رۇقسات ەتتى»، - دەلىنگەن حابارلامادا.

الماتى وبلىسىنىڭ اكىمدىگى وقيعانىڭ 17-قاراشادا اباي اتىنداعى №3-مەكتەپتىڭ گاردەروبىندا ەكىنشى اۋىسىمدا ساباق بىتكەن كەزدە بولعانىن ايتتى.

«ول ۋاقىتتا كەزەكشى مۇعالىم شىعا بەرىستە تۇرعان، 6-سىنىپ وقۋشىسى كوپ بالانىڭ ورتاسىندا قىسىلىپ كەيىن قۇلاپ قالعان. ونىڭ ورنىنان تۇرۋىنا سىنىپتاستارى مەن كەزەكشى مۇعالىم كومەكتەستى، وقۋشى ەسىنەن تانىپ قالعان جوق. قازىرگى ۋاقىتتا قىز ءوزىن جاقسى سەزىنەدى، ونىڭ دەنساۋلىعى مەن ومىرىنە ءقاۋىپ ءتونىپ تۇرعان جوق»، - دەدى اكىمدىكتەگىلەر.

ۆەدومستۆونىڭ حابارلاۋىنشا، ق ر ەڭبەك كودەكسىنىڭ 64-بابى 2-تارماعىنا سايكەس مەكتەپ ديرەكتورى ج. قۇماروۆا تاربيە جۇمىسىنداعى ولقىلىق ءۇشىن سوگىس تۇرىندەگى تارتىپتىك جازاعا تارتىلدى. سونداي-اق، وعان وقۋشىلاردىڭ قاۋىپسىزدىگىن قامتاماسىز ەتۋ جۇمىستارىن كۇشەيتۋ، اتا- انالارمەن اقپاراتتىق-ءتۇسىندىرۋ جۇمىستارىن ۇيىمداستىرۋ جونىندە تاپسىرما بەرىلدى.