سارىمساق، بۇرىش قوسىلعان اراق تۇماۋدى ەمدەۋگە كومەكتەسە مە؟ دارىگەر جاۋابى
دارىگەردىڭ ايتۋىنشا، تۇماۋ مەن ج ر ۆ ي-دى ەمدەيدى دەگەن العاشقى كۇماندى ادىستەردىڭ ءبىرى - بۇرىش قوسىلعان اراق.
ەساكوۆا ەتيل سپيرتى يممۋنيتەتتى تومەندەتىپ، دەنەنىڭ قورعانىسىن السىرەتەتىنىن، ال بۇرىش ۆيرۋستىق ينفەكسياعا ەشقانداي اسەر ەتپەيتىنىن ايتتى.
«سونداي-اق، اۋىرعان كەزدە بانكا قويىپ ەمدەلمەۋ كەرەك. بۇل ءادىستىڭ تيىمدىلىگىن دالەلدەيتىن نەگىز جوق جانە تەرىنىڭ كۇيىپ قالۋ، دەرماتيت بولۋ قاۋپى جوعارى»، - دەپ ەسكەرتتى تەراپيەۆت.
دارىگەر اۋىرعان كەزدە سارىمساق پەن تىم ىستىق سۋسىنداردان باس تارتۋدى ۇسىندى. ول عالىمدار سارىمساقتىڭ ۆيرۋسقا قارسى اسەرىن بۇرىننان جوققا شىعارعانىن، ال وتە ىستىق سۋسىندار تاماقتىڭ شىرىشتى قابىعىنا زياندى اسەر ەتىپ، تەرميالىق كۇيىك بولۋى مۇمكىن ەكەنىن ايتتى.
«بالامالى تەراپيانىڭ ەكسترەمالدى ءادىسى - سۋىق تيۋ كەزىندە سۋىق سۋمەن جۋىنۋ. بۇل يممۋندىق جۇيەنىڭ قورعانىسىن ايتارلىقتاي تومەندەتىپ، دەنە قاتتى سوققىعا ۇشىرايدى. جۇرەك- قان تامىرلارى اۋرۋلارى بار ادامدار ينسۋلت نەمەسە ينفاركت الۋى مۇمكىن»، - دەدى مامان.
دارىگەر ەمدى تەك دارىگەرلەردىڭ نۇسقاۋىمەن قابىلداۋعا شاقىردى.
