قازاقستانداعى ماكدونالدس مەيرامحانالارى جابىلادى

«قازاقستانداعى McDonald's («Food Solutions KZ» ج ش س) جەرگىلىكتى جەتكىزىلىمدەردەگى شەكتەۋلەرگە بايلانىستى 18-قاراشادان باستاپ ءوزىنىڭ بارلىق مەيرامحانالارىنىڭ جۇمىسىن ۋاقىتشا توقتاتادى. كومپانيا جۇمىستى تەزىرەك قالپىنا كەلتىرۋ ءۇشىن بار كۇشىن سالىپ جاتىر. مەيرامحانالاردىڭ اشىلۋ مەرزىمى تۋرالى كەيىنىرەك حابارلانادى»، - دەلىنگەن حابارلامادا.

كومپانيانىڭ باسپا ءسوز قىزمەتى سەرىكتەستىكتىڭ قازاقستاندا جۇمىس ىستەپ جاتقانىنا 6 جىلدان استام ۋاقىت بولعانىن اتاپ ءوتتى.

«الماتى، استانا، اتىراۋ، اقتوبە، قوستاناي، قاراعاندى قالالارىندا كومپانيانىڭ 24 مەيرامحاناسى بار جانە ولاردا 2000 عا جۋىق ادام جۇمىسپەن قامتاماسىز ەتىلگەن. «Food Solutions KZ» ج ش س اشىلعان ۋاقىتتان بەرى 3 ميلليارد تەڭگەدەن استام سالىق تولەندى جانە قوعامعا كومەك كورسەتۋگە بەلسەندى قاتىسادى. كەيىنگى التى جىلدا كومپانيا قايىرىمدىلىققا 80 ميلليون تەڭگەدەن استام قاراجات اۋداردى»، - دەپ اتاپ ءوتتى كومپانيادان.