ەلوردادا كوشە ساۋداسى ءۇشىن بەرىلگەن جەرلەردىڭ ماقساتتى پايدالانىلۋى تەكسەرىلەدى

بۇل تۋرالى تۇراقتى كوميسسيانىڭ وتىرىسىندا ەلوردا ماسليحاتىنىڭ حاتشىسى ەرلان كاناليموۆ ايتتى، دەپ حابارلايدى قازاقپارات ءتىلشىسى.

«قۇرامىنا ءماسليحات دەپۋتاتتارى، بارلىق جاۋاپتى مەملەكەتتىك ورگاندار كىرەتىن جۇمىس توبىن قۇرايىق. قاجەت بولعان جاعدايدا قۇقىق قورعاۋ ورگاندارىن دا تارتايىق. سوسىن «1000 ورىن - كوشە ساۋداسى» باعدارلاماسى بويىنشا جالعا بەرىلگەن ۋچاسكەلەردە ورنالاسقان وبەكتىلەرگە مونيتورينگ جۇرگىزەيىك. ەگەر جۇمىس ىستەمەي، پايدالانىلماي جاتقان جەرلەر بولسا، وندا ول كاسىپكەرلەرمەن كەلىسمشارتتى بۇزامىز.

سودان كەيىن، ساۋدا ورتالىقتارىمەن جۇمىس جاساڭىزدار. ءبىز ساۋدا ورتالىقتارى دەيمىز. ولار قازىر قانداي كۇيدە؟ نە بولىپ جاتقانىن قاراڭىز! «جاننۇر»، «استانا م اll» بازارعا اينالدى. بۇل جەرلەردەگى كولىك تۇراعىنىڭ ورنىنا دۇڭگىرشەكتەردى قويۋعا كىم رۇقسات بەردى؟ ادامدار كولىگىن قايدا قويۋى كەرەك؟ مۇنى كىم قاداعالايدى؟ بۇل جەر ۋچاسكەلەرىن ماقساتسىز پايدالانۋ. بۇل ۋچاسكەلەردىڭ جارتىسى مەملەكەتتىك جەر. تەك تۇراق ءۇشىن ۋاقىتشا جالعا بەرىلگەن»، - دەدى ەران كاناليموۆ.

ماسليحات حاتشىسى ەگەر «1000 ورىن - كوشە ساۋداسى» باعدارلاماسى ءتيىمدى ىسكە اسىرىلماسا، وندا ونى جاۋىپ، ورنىنا جۇيەلى باعدارلاما قابىلداۋ قاجەتتىگىن ايتتى.