قازاقستاندا اسكەري بيلەت قاشان سيفرلاندىرىلادى
«الەۋمەتتىك جەلىلەردە جانە ب ا ق- تا اسكەري بيلەتتى سيفرلاندىرۋ تۋرالى حابار جاريالاندى. قورعانىس مينيسترلىگىنەن وسىنداي ۇسىنىس بولدى ما؟ بۇل جۇمىستار باستالدى ما؟»، - دەپ سۇرادى تىلشىلەر ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
روستيسلاۆ كونياشكين قورعانىس مينيسترلىگىمەن، ونىڭ ىشىندە اسكەري بيلەت، تىركەۋ كۋالىگى بويىنشا، وسى قۇجاتتاردى سيفرلىق فورماتقا شىعارۋ جۇمىستارى ءجۇرىپ جاتقانىن ايتتى.
«بۇل قۇجاتتاردى سيفرلاندىرۋ جۇمىستارىن جوسپارلاپ وتىرمىز، ءتىپتى باستاپ كەتتىك دەۋگە بولادى. مەنىڭ ويىمشا، بۇل جۇمىس كەلەسى جىلدىڭ ءبىرىنشى جارتىجىلدىعىندا اياقتالادى. بيىل باسىمدىقتار بويىنشا ەل باسشىلىعى قويعان باسقا دا مىندەتتەردى ىسكە اسىرامىز»، - دەدى روستيسلاۆ كونياشكين.
