الپىس مىڭ تەڭگەلىك بانكنوت شىقتى: ۇلتتىق بانكتىڭ رەسمي مالىمدەمەسى
ۇلتتىق بانك وسىعان قاتىستى رەسمي مالىمەت بەردى، دەپ حابارلايدى قازاقپارات ءتىلشىسى.
«الەۋمەتتىك جەلىدە تاراپ جاتقان 60 مىڭ تەڭگە نومينالىنداعى بانكنوت شىققانى تۋرالى مالىمەت شىندىققا جاناسپايدى.
جاڭا نومينال شىعارۋ ءۇشىن ەل ەكونوميكاسىنىڭ قاجەتتىگىنەن تۋىنداعان وبيەۆكتيۆتى سەبەپتەر بولۋى كەرەك. قازىرگى تاڭدا ونداي قاجەتتىلىك بايقالىپ تۇرعان جوق. وسىلايشا جاڭا نومينال شىعارۋ تۋرالى جوسپار جوق.
ق ر ۇلتتىق ۆاليۋتاسىنىڭ قولدانىستاعى بانكنوتتارى تۋرالى اقپاراتتى ۇلتتىق بانكتىڭ سايتىنان الۋعا بولادى»، - دەپ جازىلعان ۇلتتىق بانكتىڭ باسپا ءسوز قىزمەتىنىڭ مالىمەتىندە.
ۇلتتىق بانك ماماندارى جاڭا نومينالداعى بانكنوت شىعاتىن بولسا، ول تۋرالى مالىمەت اۋەلى قارجى رەتتەۋشىسىنىڭ تاراپىنان بەرىلەتىنىن ەسكە سالادى.
«قازاقستان رەسپۋبليكاسىنىڭ ۇلتتىق بانكى تۋرالى» زاڭعا سايكەس قازاقستان ۇلتتىق بانكى قازاقستان رەسپۋبليكاسىنىڭ ۇلتتىق ۆاليۋتاسىنىڭ بانكنوتتارى مەن مونەتالارىنىڭ جالعىز ەميتەنتى بولىپ تابىلاتىنىن جانە قازاقستان رەسپۋبليكاسىنىڭ اۋماعىندا قولما-قول اقشا اينالىمىن ۇيىمداستىراتىنىن اتاپ وتەمىز.
قازاقستان رەسپۋبليكاسى ۇلتتىق ۆاليۋتاسىنىڭ بانكنوتتارى مەن مونەتالارىن اينالىسقا شىعارۋ، اۋىستىرۋ جانە اينالىستان شىعارۋ ءتارتىبى تۋرالى شەشىمدەردى قازاقستان ۇلتتىق بانكى قابىلدايدى جانە ول بۇقارالىق اقپارات قۇرالدارىندا جاريالانادى»، - دەلىنگەن رەسمي مالىمەتتە.
