15:11, 16 - قاراشا 2022 | GMT +6
استاناداعى حالىقارالىق اۋەجاي تەرمينالىنىڭ توبەسىنەن سۋ اعىپ تۇر
استانا. قازاقپارات - استاناداعى حالىقارالىق اۋەجاي تەرمينال توبەسىنەن سۋ كەتۋ سەبەبىن ايتتى، دەپ حابارلايدى قازاقپارات اۋەجايدىڭ باسپا ءسوز قىزمەتىنە سىلتەمە جاساپ.
«نىسان 2017-جىلى پايدالانۋعا بەرىلگەن. شارتقا سايكەس مەردىگەر ورىندالعان جۇمىستاردىڭ ساپاسىنا جانە 10 جىل مەرزىمگە تىرەك پەن قورشاۋ كونسترۋكتسيالارىنا كەپىلدىك بەردى. الايدا، اۋەجاي قىزمەتتەرى مەزگىل-مەزگىل عيمارات توبەسىنەن سۋ كەتۋ پروبلەمالارى انىقتالدى. وسىعان بايلانىستى اۋەجاي تەحنيكالىق تەكسەرۋلەر جۇرگىزدى. ناتيجەسىندە ت-1 تەرمينالىنىڭ شاتىرىنىڭ قۇرامى بەكىتىلگەن جوباعا سايكەس كەلمەيتىنى انىقتالدى. بۇل فاكت شاتىردى اشىپ، تەكسەرۋ ناتيجەسىندە انىقتالدى»، - دەلىنگەن حابارلامادا.
اۋەجاي استانا قالاسىنىڭ مامانداندىرىلعان اۋدانارالىق ەكونوميكالىق سوتىنا وسى اتالعان ماسەلە بويىنشا ارىز بەرگەن.