پولشانىڭ ۋكراينامەن شەكاراسىنا راكەتا قۇلادى

پولشانىڭ Radiozet راديوسىنىڭ مالىمەتىنشە، پولشانىڭ سىرتقى ىستەر مينيسترلىگى «رەسەي ءوندىرىسىنىڭ» راكەتالارى قۇلاعانىن راستاپ، رەسەي فەدەراتسياسىنىڭ ەلشىسىنەن شۇعىل تۇسىنىكتەمە بەرۋدى تالاپ ەتكەن.

ەكى راكەتا سەيسەنبى كۇنى ليۋبلين پروۆينتسياسىنىڭ پشيەۆودوۆ اۋىلىنا تۇسكەن. ەكى ادامنىڭ قازا بولعانى حابارلانادى.

ال Polska Agencja Prasowa سايتى ر ف ەلشىسى سەرگەي اندرەيەۆ پولشا سىرتقى ىستەر مينيسترلىگىنە جەتكەنىن، ونىمەن اڭگىمە وتكەنىن جازادى. بۇل تۋرالى باسىلىم پولشا س ءى م باسپا ءسوز حاتشىسى لۋكاش ياسيناعا سىلتەمە جاساپ حابارلايدى.

ВВС اگەنتتىگىنىڭ جازۋىنشا، ۋكراينامەن شەكاراعا راكەتالار قۇلاعاننان كەيىن پولشا ۇكىمەتى شۇعىل كەڭەس وتكىزدى. ونىڭ قورىتىندىسى بويىنشا پرەمەر- مينيستر پەتر ميۋللەر پولشا ناتو- مەن كەلىسىمنىڭ 4-بابىن ىسكە قوسۋدى قاراستىرىپ جاتقانىن مالىمدەدى. بۇل باپ اليانستىڭ مۇشەلەرىنىڭ بىرىنە تونگەن قاۋىپ بويىنشا كونسۋلتاتسيالاردى باستاۋدى قاراستىرادى.

سونداي- اق اتالعان اگەنتتىكتىڭ جازۋىنشا، سارسەنبىگە قاراعان ءتۇنى وتكەن شۇعىل كەڭەستە پولشا پرەزيدەنتى اندجەي دۋدا پشيەۆودوۆتە ءبىر عانا جارىلىس بولعانىن جانە ونىڭ قايتالاناتىنىنا ازىرگە بەلگىلەر جوقتىعىن ايتتى. «قازىرگى ساتتە راكەتا قايدان ۇشىرىلعانىنا قاتىستى جەتكىلىكتى دالەلدەر جوق. تەرگەۋ جۇرگىزىلىپ جاتىر»، - دەدى ا. دۋدا.

Рolskieradio--نىڭ حابارلاۋىنشا، پولشا ەلدىڭ قارۋلى كۇشتەرىن جاۋىنگەرلىك دايارلىق كۇيىنە كەلتىرەدى.

«ءبىز جەكەلەگەن اسكەري بولىمشەلەردىڭ جانە وزگە ۋنيفيكاتسيالانعان قىزمەتتەر كۇشىن دايارلىق جاعدايىنا كەلتىرەمىز»، - دەپ ۇكىمەت باسشىسى پёتر ميۋللەردىڭ سوزىنە سىلتەمە جاسالعان.

اۆتور

ميرا تولەندى قىزى