وزبەكستاننىڭ جيزاق وبلىسىندا رەسەيلىك كومپانيا ا ە س سالادى
قۋاتى ساعاتىنا 1,2 گ ۆ ت. ستانسيا ەكى ەنەرگوبلوكتان تۇرادى. كورشىمىز ەنەرگەتيكالىق نىساننىڭ قۇرىلىسىن تولىعىمەن رەسەيلىك «روساتوم» كومپانياسىنا سەنىپ تاپسىرماق. رەسەي تاراپى جوبانى 11 ميلليارد دوللارعا باعالاعان. ونى وزبەكستان رەسپۋبليكالىق بيۋدجەت جانە مەملەكەتتىك كرەديت ەسەبىنەن وتەيدى.
ستانسيانى باستاپقىدا بۇقارا مەن ناۋاي وبلىسى اۋماعىنداعى سۋ قويماسىنىڭ ماڭىنا سالۋ جوسپارلانعان. الايدا 2019 -جىلى جوسپار وزگەردى. وزبەكستان مەن رەسەي ۇكىمەتى اراسىنداعى شەشىمنىڭ ناتيجەسىندە اتوم ەلەكتر ستانسياسى قازاقستانمەن شەكارالاس جيزاق وبلىسىندا سالىناتىن بولىپ كەلىسىلدى. بۇل وڭىردە ايداركۇل اتتى كول بار. جوسپار بويىنشا العاشقى ەنەرگوبلوك 2028 -جىلى ىسكە قوسىلادى.
باقتيەر ەرگاشيەۆ، ساياساتتانۋشى:
- ورتالىق ازيادا ەلەكتر ەنەرگياسىنىڭ تاپشىلىعى كەزەك كۇتتىرمەي رەتتەلۋگە ءتيىس. ايماقتاعى بارلىق مەملەكەتكە ونىڭ كەرى اسەرى بار. بىردەن- ءبىر دۇرىس شەشىم - بۇل اتوم ەلەكتر ستانسياسىن سالۋ ەكەنى ءسوزسىز. الەمدىك تاجىريبە بار. ستانسيا سالىناتىن ايماقتا رادياتسيا تارالمايدى. پوست- فۋكۋسيمدىك تالاپتار ورىندالادى. ءوڭىر تۇرعىندارىنا اتوم ەلەكتر ستانسياسىنىڭ جاڭا ەكونوميكالىق وسىمگە جول اشاتىن جاعداي ەكەنى ءتۇسىندىرىلىپ جاتىر.
