مەملەكەتتىك شەكارانى بۇزعاندارعا جاۋاپكەرشىلىك كۇشەيتىلەدى
«مەملەكەتتىك شەكارا رەجيمى مەن شەكارا رەجيمىن بۇزۋعا قارسى تۇرۋ ماقساتىندا ۇلتتىق قاۋىپسىزدىك كوميتەتىنىڭ شەكارا قىزمەتى كەشەندى الدىن الۋ ءىس-شارالارىن جۇرگىزەدى. شەكارالاس ايماقتىڭ جەرگىلىكتى تۇرعىندارىمەن ۇنەمى جيىندار مەن ءتۇسىندىرۋ جۇمىستارى جۇرگىزىلىپ تۇرادى»، - دەدى ۇكىمەت باسشىسى جاۋابىندا.
ونىڭ اتاپ وتۋىنشە، بۇقارالىق اقپارات قۇرالدارىندا جانە ينتەرنەت-رەسۋرستاردا شەكارالىق اۋماقتا زاڭنامانى بۇزعانى ءۇشىن جاۋاپكەرشىلىك تۋرالى اقپارات جاريالاناپ وتىرادى.
«قىلمىستىق زاڭنامانى وڭتايلاندىرۋ اياسىندا ۇ ق ك مەملەكەتتىك شەكارانى بۇزعانى ءۇشىن جاۋاپكەرشىلىكتى كۇشەيتۋ ماسەلەسىن قاراستىرۋدا. ودان بولەك، شەكارا قاۋىپسىزدىگىن قامتاماسىز ەتۋ بويىنشا كەشەندى ءىس-شارالاردى ازىرلەۋ جانە جۇزەگە اسىرۋ ماقساتىندا ۇكىمەت جانىندا مەملەكەتتىك شەكارا كوميسسياسى، سونداي-اق وبلىس جانە اۋدان اكىمدىكتەرى جانىندا شەكارا ماسەلەلەرى بويىنشا ۇيلەستىرۋ كەڭەستەرى جۇمىس ىستەيدى»، - دەدى ءاليحان سمايىلوۆ.
