ق ر ۇكىمەتى مەملەكەتتىك باسقارۋدى سيفرلىق ترانسفورماتسيالاۋ قاعيدالارىن بەكىتتى

قاۋلىعا پرەمەر-مينيستر ءاليحان سمايىلوۆ قول قويدى.

مەملەكەتتىك باسقارۋدى تسيفرلىق ترانسفورماتسيالاۋدىڭ فۋنكتسيونالدىق قۇرىلىمىنا مىنالار كىرەدى:

- ق ر پرەزيدەنتىنىڭ جانىنداعى قازاقستان رەسپۋبليكاسىندا سيفرلاندىرۋدى ىسكە اسىرۋ جونىندەگى كوميسسيا؛

- سيفرلىق ۇكىمەت وفيسى؛

- ۋاكىلەتتى ورگان؛

- مەملەكەتتىك ورگاندار.

كوميسسيا ق ر پرەزيدەنتى جانىنداعى كونسۋلتاتيۆتىك-كەڭەسشى ورگان بولىپ تابىلادى. ونىڭ نەگىزگى مىندەتتەرى - قازاقستان رەسپۋبليكاسىندا سيفرلاندىرۋ جانە يننوۆاتسيالىق تەحنولوگيالار ماسەلەلەرىنە قاتىستى ۇسىنىستار ازىرلەۋ، مونيتورينگ جۇرگىزۋ جانە ولاردى ىسكە اسىرۋ.

سيفرلىق ۇكىمەت وفيسى ءوز فۋنكسيالارىن ق ر پرەمەر-ءمينيسترىنىڭ وكىمىمەن بەكىتىلگەن ەرەجەگە، سونداي-اق وسى قاعيدالارعا سايكەس جۇزەگە اسىرادى.

ۋاكىلەتتى ورگان وفيستىڭ جۇمىس ورگانى بولىپ تابىلادى جانە مەملەكەتتىك باسقارۋدى سيفرلىق ترانسفورماتسيالاۋدى سالاارالىق ۇيلەستىرۋدى جۇزەگە اسىرادى.

ۋاكىلەتتى ورگاننىڭ جانىندا:

- مەملەكەتتىك باسقارۋدى سيفرلىق ترانسفورماتسيالاۋدى ۇيىمداستىرۋشىلىق جانە ءادىسنامالىق سۇيەمەلدەۋ فۋنكتسيالارى جۇكتەلگەن سيفرلىق ۇكىمەتتى قولداۋ ورتالىعى؛

- «ەلەكتروندىق ۇكىمەتتىڭ» ارحيتەكتۋراسىن دامىتۋدى ءادىسنامالىق قامتاماسىز ەتۋ جونىندەگى فۋنكتسيالار، دەرەكتەردى تالداۋ، سيفرلىق مەملەكەتكە كوشۋدى ەسكەرە وتىرىپ، «ەلەكتروندىق ۇكىمەت» ارحيتەكتۋراسىن قۇرۋ جۇكتەلگەن «ەلەكتروندىق ۇكىمەتتىڭ» سەرۆيستىك ينتەگراتورى؛

- «ەلەكتروندىق ۇكىمەتتىڭ» وزىنە بەكىتىلگەن اقپاراتتىقكوممۋنيكاتسيالىق ينفراقۇرىلىمىنىڭ قىزمەتىن قامتاماسىز ەتۋ، ونىڭ ىشىندە دەرەكتەردى تالداۋ جانە پايدالانۋ ءۇشىن «Smart Data Ukimet» اقپاراتتىقتالدامالىق جۇيەسىنىڭ قىزمەتىن قامتاماسىز ەتۋ، سونداي-اق اقپاراتتاندىرۋ وبەكتىلەرى اراسىندا اقپاراتتىق ءوزارا ءىس-قيمىلىن ۇيىمداستىرۋ جانە قامتاماسىز ەتۋ جۇكتەلگەن «ەلەكتروندىق ۇكىمەتتىڭ» اقپاراتتىق كوممۋنيكاتسيالىق ينفراقۇرىلىمىنىڭ وپەراتورى جۇمىس ىستەيدى.

مەملەكەتتىك ورگاندار:

- مەملەكەتتىك ورگاندار باسشىلارىنىڭ سيفرلاندىرۋ ماسەلەلەرىنە جەتەكشىلىك ەتەتىن ورىنباسارلارى قاتارىنان سيفرلىق ترانسفورماتسيالاۋدىڭ جول كارتالارىن ازىرلەۋگە جانە ىسكە اسىرۋعا جاۋاپتى تۇلعالاردى ايقىندايدى؛

- ءبىرىنشى باسشىنىڭ بۇيرىعىمەن مەملەكەتتىك ورگان جانىنان سيفرلىق ترانسفورماتسيالاۋ وفيسىن قۇرادى، سونداي-اق ونىڭ قۇرامى مەن ەرەجەسىن بەكىتەدى؛

- وسى قاعيدالارعا سايكەس سيفرلىق ترانسفورماتسيالاۋدىڭ جول كارتالارىن ازىرلەۋدى، كەلىسۋدى، بەكىتۋدى جانە ىسكە اسىرۋدى جۇزەگە اسىرادى؛

- سيفرلىق ترانسفورماتسيالاۋدىڭ جول كارتالارىنىڭ جوبالارىن ۋاكىلەتتى ورگانعا كەلىسۋگە جىبەرەدى؛

- مىندەتتەردى ءبولۋ تۋرالى بۇيرىقتارعا سايكەس جەتەكشىلىك ەتەتىن سالاداعى دەرەكتەردى باسقارۋعا ستراتەگيالىق باعىتتارعا جانە دەرەكتەردى باسقارۋ ساياساتىن ايقىنداۋعا جاۋاپتى باس وفيتسەردىڭ فۋنكتسيالارىن مەملەكەتتىك ورگاندار باسشىلارىنىڭ ورىنباسارلارىنا جۇكتەيدى؛

- رەينجينيرينگتى جۇزەگە اسىرادى؛

- مەملەكەتتىك ورگانداعى قۇرىلىمدىق بولىمشەلەر، ۆەدومستۆولىق باعىنىستى ۇيىمدار اراسىندا فۋنكتسيالار مەن وكىلەتتىكتەردى بولەدى؛

- بيزنەس-پروتسەستەردىڭ ەلەكتروندىق تىزىلىمىن قالىپتاستىرۋدى جانە جۇرگىزۋدى جۇزەگە اسىرادى؛

- اقپاراتتىق-كوممۋنيكاتسيالىق تەحنولوگيالار، اقپاراتتىق قاۋىپسىزدىك، دەرەكتەردى باسقارۋ، «ەلەكتروندىق ۇكىمەت» ارحيتەكتۋراسىن دامىتۋ، «ەلەكتروندىق ۇكىمەتتىڭ» اقپاراتتاندىرۋ وبەكتىلەرىن قۇرۋ، دامىتۋ، پايدالانۋ، ساتىپ الۋ، سونداي-اق اقپاراتتىق-كوممۋنيكاتسيالىق كورسەتىلەتىن قىزمەتتەر سالاسىنداعى ۇيىمداستىرۋشىلىق، تەحنيكالىق، قۇقىقتىق تالاپتاردىڭ ساقتالۋىن قامتاماسىز ەتەدى.