ءتىس تازالاماسا نە بولادى؟
ءتىس بەتىندە بۇنداي قاباتتار نەعۇرلىم كوپ بولعان سايىن، سوعۇرلىم قىشقىلدار ءجيى ءبولىنىپ، ءتىستىڭ قاتتى قابىعى بۇزىلادى.
اۋىزدان جاعىمسىز ءيىس شىعادى
اۋىزدان جاعىمسىز ءيىس شىقپاۋ ءۇشىن ادام كۇندەلىكتى تىستەگى ارتىق قالدىقتاردى تازالاپ تۇرۋ كەرەك. نەعۇرلىم باكتەريا كوپ بولعان سايىن، سوعۇرلىم ءيىس قاتتىراق شىعادى.
تىسجەگى پايدا بولادى
باكتەريالار قاباتى كوبەيگەن سايىن ەمالدىڭ كۇشى ازايادى. سول سەبەپتى باكتەريالار ءتىستىڭ ءالسىز تۇستارىنا وڭاي جەتەدى. ناتيجەسىندە تىستە تەسىكتەر پايدا بولادى.
ءتىس تاسى پايدا بولادى
ءتىس تازالانباسا، جينالعان قابات قالىڭداپ، قاتىپ قالادى. كەيىن ول ءتىس تاسىنا اينالادى. ول جەردە باكتەريالار الدەقايدا جىلدام كوبەيەدى. ولار قىزىل يەككە ءوتىپ، ءتۇرلى ينفەكتسيالارعا سەبەپ بولادى.
قىزىل يەك ناشارلايدى
قىزىل يەكتىڭ قابىنۋىنىڭ العاشقى كەزەڭى گينگيۆيت دەپ اتالادى. قىزىل يەك ءىسىنىپ، قان كەتەدى، ءبىراق ءتىستىڭ وزىنە ايتارلىقتاي اسەر ەتپەيدى. ءارى قاراي ءتىستى ورنىندا ۇستايتىن قۇرىلىمدار قابىنعان كەزدە پارودونتيت پەن پەريودونتيت داميدى. ءتىس بوساپ، اينالاسىندا ءىرىڭدى قۋىستار پايدا بولادى، اۋىزدىڭ ءيىسى كۇشەيەدى، شايناۋ وتە قيىن بولادى.
ءتىس ءتۇسىپ قالادى
قىزىل يەكتى ۋاقىتىندا ەمدەمەۋ ءتىستىڭ تۇسۋىنە سەبەپ بولادى. كەيدە ءتىپتى يمپلانت سالۋدىڭ ءوزى قيىن بولادى. ءتىس ءتۇسىپ قالسا، تاماق شايناۋ قيىنعا سوعادى. ول ارى قاراي اسقازان اۋرۋىنا الىپ كەلەدى.
