كۋرچاتوۆ قالاسىنداعى شاعىن بازاردا جارىلىس بولدى

استانا. قازاقپارات - كۋرچاتوۆ قالاسىنداعى شاعىن بازاردا جارىلىس بولدى، دەپ حابارلايدى قازاقپارات polisia.kz تەلەگرام ارناسىنا سىلتەمە جاساپ.

12- قاراشا كۇنى ساعات 9.35 تە كۋرچاتوۆ قالاسى پوليتسيا ءبولىمىنىڭ 102 جەدەل ارناسىنا «جايلاۋباي» شاعىن بازارىنىڭ عيماراتىندا گاز-اۋا قوسپاسىنىڭ تۇتاندىرعىشى اتىلعانى تۋرالى حابارلاما ءتۇستى.

كۋرچاتوۆ قالاسى توتەنشە جاعدايلار ءبولىمىنىڭ مالىمەتى بويىنشا بۇل وقيعانىڭ نەگىزگى سەبەبى - گاز-اۋا قوسپاسىنىڭ تۇتاندىرعىشى. قازىر تەرگەۋ ءجۇرىپ جاتىر.

«جايلاۋباي» بازارىنىڭ عيماراتى زارداپ شەگىپ، سول ماڭداعى تۇرعىن ءۇيدىڭ بىرنەشە تەرەزەسى زاقىمدانعان.

سونداي-اق، كوشەدە تۇرعان ەر ادام زارداپ شەكتى، جاعدايى قاناعاتتانارلىق.

پوليتسيا قىزمەتكەرلەرى وقيعا ورنىن قورشاۋعا الدى.