بوكستان ازيا چەمپيوناتىندا تاعى ەكى قازاقستاندىق فينالعا ءوتتى

استانا. قازاقپارات - يوردانيا استاناسى اممان قالاسىندا بوكستان ءوتىپ جاتقان ازيا چەمپيوناتىندا قازاقستاندىقتار دۋلات بەكباۋوۆ پەن نۇرقانات رايىس فينالعا جولداما الدى، دەپ حابارلايدى قازاقپارات ءتىلشىسى.

دۋلات بەكباۋوۆ 67 كەلىگە دەيىنگى سالماقتا وزبەكستاندىق اسادحۋدجا مۋيدينحۋدجايەۆپەن شەبەرلىك بايقاستى.

اسا قىزۋ وتكەن جەكپە-جەكتە بوكسشىلار ايانباي ايقاستى. ءتىپتى دۋلاتتىڭ قاسى دا جارىلدى. تورەشىلەر 3:2 ەسەبىمەن جەڭىستى قازاقستاندىق بوكسشىعا بەردى.

تاعى ءبىر قازاقستاندىق نۇرقانات رايىس (75 ك گ) يراندىق سەيەدشاحين مۋساۆيمەن جۇدىرىقتاستى.

ءبىرىنشى راۋندتا تورەشىلەر يراندىق بوكسشى باسىم دەپ تاپتى. ەكىنشى كەزەڭدە نۇرقانات سەرپىلىس تانىتتى. قورىتىندى ەسەپ - 3:0، ن. رايىستىڭ پايداسىندا.

وسىلايشا، تاعى ەكى بوكسشىمىز فينالعا ءوتتى.

ەسكە سالا كەتەيىك، بۇدان بۇرىن گۇلسايا ەرجاننىڭ ازيا چەمپيوناتىنىڭ فينالىنا جولداما العانىن، ازيا چەمپيوناتىندا بۇگىن ەرلەردەن 12 قازاقستاندىقتىڭ ½ فينالدا شىعاتىنىن جازعان بولاتىنبىز.

سونداي-اق قازاقستاندىق بوكسشى قىزداردىڭ فينالداعى قارسىلاستارى انىقتالدى.

بوكسشى سانجار تاشكەنباي جانە تاعى 2 قازاقستاندىق ازيا چەمپيوناتىنىڭ فينالىنا شىقتى.

الۋا بالقىبەكوۆا بوكستان ازيا چەمپيونى اتاندى.