بوكستان ازيا چەمپيوناتى: تاعى ءبىر قازاقستاندىق الەم چەمپيونىن ۇتىپ، فينالعا شىقتى

استانا. قازاقپارات - يوردانيا استاناسى اممان قالاسىندا بوكستان ءوتىپ جاتقان ازيا چەمپيوناتىندا ماحمۋد سابىرحان فينالعا شىقتى، دەپ حابارلايدى قازاقپارات ءتىلشىسى.

دۇنيەجۇزىلىك بىرىنشىلىكتىڭ كۇمىس جۇلدەگەرى ماحمۋد سابىرحان 54 كەلىگە دەيىنگى سالماقتا وزبەكستاندىق، الەم چەمپيونى شاحزود مۋزافاروۆپەن شەبەرلىك بايقاستى.

ماحمۋد باسەكەنى قىزۋ باستاپ، ءبىرىنشى راۋندتا ۇستەمدىگىن كورسەتتى. ەكىنشى كەزەڭدە ش. مۋزافاروۆ رەفەريدەن ەسكەرتۋ دە الدى. ءۇشىنشى راۋندتا ماحمۋد سول قارقىنىنان تانعان جوق. تورەشىلەر ءبىر اۋىزدان جەڭىستى ماحمۋد سابىرحانعا بەردى - 5:0.

وسىلايشا، الەم چەمپيونىن جولدان تايدىرعان ماحمۋد سابىرحان دا فينالعا جولداما الدى.

ەسكە سالا كەتەيىك، بۇدان بۇرىن گۇلسايا ەرجاننىڭ ازيا چەمپيوناتىنىڭ فينالىنا جولداما العانىن، ازيا چەمپيوناتىندا بۇگىن ەرلەردەن 12 قازاقستاندىقتىڭ ½ فينالدا شىعاتىنىن جازعان بولاتىنبىز.

سونداي-اق قازاقستاندىق بوكسشى قىزداردىڭ فينالداعى قارسىلاستارى انىقتالدى.

بوكسشى سانجار تاشكەنباي ازيا چەمپيوناتىنىڭ فينالىنا شىقتى.