قازمۇنايگاز اكسيالارىن يەلىكتەن شىعارۋ تۋرالى ۇكىمەت قاۋلىسىن ءتۇسىندىردى
«2022-جىلدىڭ 5- قاراشاسىندا قابىلدانعان ۇكىمەت قاۋلىسى جەكەشەلەندىرۋ اياسىندا جالپى يەلىكتەن شىعارىلۋى مۇمكىن (2022-جىلعى ІРО اياسىندا عانا ەمەس، سونىمەن بىرگە كەلەشەكتە قۇندى قاعازداردىڭ ۇيىمداستىرىلعان نارىعىندا كومپانيا اكسيالارىن الەۋەتتى ۇسىنۋعا وراي) اكسيالاردىڭ ماكسيمالدى سانىنا قاتىستى»، - دەپ اتاپ ءوتتى قازاقپارات ساۋالىنا تۇسىنىكتەمە بەرگەن كومپانيا باسپا ءسوز قىزمەتىنەن.
«قازمۇنايگاز» كومپانياسىنىڭ ناقتىلاي تۇسۋىنشە، وسى ۇسىنىس اياسىندا «سامۇرىق-قازىنا» ا ق- قا تيەسىلى اكسيالاردىڭ 5 پايىزدان اسپايتىن مولشەرىن ساتۋ جوسپارلانعان.
الداعى ۋاقىتتا اكسيالاردىڭ ناقتى سانى، قۇرىلىمى مەن قۇنى وتىنىمدەردى جيناۋ اياقتالعاننان كەيىن ۇكىمەت قاۋلىسىمەن بەكىتىلەدى.
كەشە «قازمۇنايگاز» كومپانياسى اكسيالارىن حالىقتىق ІРО عا شىعارۋعا جول اشاتىن ۇكىمەت قاۋلىسى جاريالانعان بولاتىن.
ايتا كەتەرلىگى، تاياۋدا «سامۇرىق-قازىنا» ا ق باسقارما ءتوراعاسى الماسادام ساتقاليەۆ قور «قازمۇنايگازدىڭ» 30505974 جاي اكسياسىن ساتۋعا نيەتتى ەكەنىن ايتقان ەدى.
بۇل رەتتە ءبىر جاي اكسيانىڭ باعاسى شامامەن 8406 تەڭگە بولماق.
