پاكىستان قازاقستانمەن مۇناي- گاز سالاسىندا ىنتىماقتاسۋعا مۇددەلى

بۇل تۋرالى پرەمەر- ءمينيستردىڭ ورىنباسارى - ساۋدا جانە ينتەگراتسيا ءمينيسترى سەرىك جۇمانعاريننىڭ پاكىستان يسلام رەسپۋبليكاسىنىڭ ۇكىمەتتىك دەلەگاتسياسىمەن كەزدەسۋىندە ايتىلدى. قازاقپارات بۇل تۋرالى primeminister.kz سايتىنا سىلتەمە جاساپ.

كەزدەسۋ بارىسىندا ۆيتسە- پرەمەر بيىل ەلدەر اراسىنداعى ديپلوماتيالىق قارىم- قاتىناستىڭ ورناعانىنا 30 جىل تولاتىنىن اتاپ ءوتتى. وسى كەزەڭدە تىعىز دوستىق جانە ەكونوميكالىق بايلانىستار ورناتىلدى. ساۋدا- ەكونوميكالىق، عىلىمي- تەحنيكالىق جانە مادەني ىنتىماقتاستىق جونىندەگى بىرلەسكەن ۇكىمەتارالىق كوميسسيا قۇرىلىپ، جۇمىس ىستەيدى.

قازاقستان مەن پاكىستاننىڭ وڭتۇستىك ازيادا ورنالاسقان ورنى ستراتەگيالىق گەوگرافيالىق تۇرعىدان ءتيىمدى. سوندىقتان ساۋدا جانە كولىك سالالارىندا ءوزارا ءىس- قيمىلدى كەڭەيتۋ ەكى ەل ءۇشىن پەرسپەكتيۆتى مىندەت بولىپ تابىلادى.

«ساۋدا ترانزيتى بويىنشا كەلىسىم جاساسۋ باستاماسى ءبىز ءۇشىن ەرەكشە ماڭىزعا يە، ويتكەنى كولىك سالاسى ءوزارا ساۋدادا «ءالسىز تۇس» بولىپ تابىلادى»، - دەدى سەرىك جۇمانعارين كەزدەسۋ بارىسىندا.

ءوز كەزەگىندە، پاكىستان بيزنەسى مۇناي- گاز، بانك، اۋىل شارۋاشىلىعى جانە باسقا سالالاردا قازاقستانمەن ىنتىماقتاستىق ورناتۋعا مۇددەلى.

«ءبىزدىڭ ەنەرگيا رەسۋرستارىنا دەگەن قاجەتتىلىگىمىز جىل سايىن ارتىپ كەلەدى. پاكىستان نارىعى وتە اۋقىمدى، ەل حالقىنىڭ سانى 200 ميلليوننان اسادى. بىزدە پايدالى قازبالار جوق، ءبىراق پايدالى كولىك بايلانىسى، تەمىرجول ينفراقۇرىلىمى بار»، - دەدى پ ي ر فەدەرالدى ونەركاسىپ جانە ءوندىرىس ءمينيسترى سايەد مۋرتازا ماحمۋد.

بۇعان قوسا، پاكىستان تاراپى گۆادار پورتى ارقىلى قازاقستانعا تەڭىزگە جانە پارسى شىعاناعى ەلدەرىنىڭ نارىقتارىنا شىعۋ مۇمكىندىگىن ۇسىنۋعا دايىن ەكەنىن ايتتى.

كەزدەسۋدە تاراپتار ەنەرگەتيكا سالاسىنداعى، اتاپ ايتقاندا، «تۇرىكمەنستان - اۋعانستان - پاكىستان - ءۇندىستان» (ت ا پ ءۇ) گاز قۇبىرىنىڭ قۋاتتارىن پايدالانا وتىرىپ، گاز ترانزيتى سالاسىنداعى ىنتىماقتاستىقتىڭ پەرسپەكتيۆالارىن دا اتاپ ءوتتى.

كەزدەسۋ سوڭىندا قاتىسۋشىلار قوزعالعان ماسەلەلەردى جەلتوقسان ايىندا يسلاماباد قالاسىندا وتەتىن بىرلەسكەن ۇكىمەتارالىق كوميسسيانىڭ 11- وتىرىسىندا ەگجەي- تەگجەيلى تالقىلاۋعا كەلىستى.

2021 -جىلدىڭ قورىتىندىسى بويىنشا ەكىجاقتى ساۋدا كولەمى وتكەن جىلدىڭ سايكەس كەزەڭىمەن سالىستىرعاندا ەكى ەسەدەن استام ۇلعايىپ، 95,1 ميلليون دوللاردى قۇرادى. 2022 -جىلدىڭ 9 ايىندا ق ر مەن پ ي ر اراسىنداعى تاۋار اينالىمى 2021 -جىلمەن سالىستىرعاندا % 17,9 ارتىپ، 57,0 ميلليون دوللارعا جەتتى.

فوتو: primeminister.kz