ءماجىلىس ءتوراعاسى دەپۋتاتتاردىڭ بەلسەندىلىگىنە قاتىستى پىكىر ءبىلدىردى
بۇگىن ماجىلىستە وتكەن باسپا ءسوز ءماسليحاتىندا تىلشىلەر ە. قوشانوۆتان پالاتا دەپۋتاتتارىنىڭ پارلامەنت جۇمىسىنداعى بەلسەندىلىگى تۋرالى سۇرادى.
«ماجىلىستە ءۇش فراكسيا بار. فراكسيالاردا بۇل ماسەلەر قارالىپ وتىرادى. وسى ورايدا، ءار دەپۋتاتتىڭ رەيتينگى بار. ولاردىڭ جاساعان دەپۋتاتتىق ساۋالدارىنا قاتىستى دەرەكتەر جيناقتالىپ وتىر. سوندىقتان ءار فراكسيادا دەپۋتاتتاردىڭ بەلسەندىگى باعالانادى. مەنىڭ ويىمشا، دەپۋتاتتاردىڭ بەلسەندىلىگى ءارتۇرلى بولعانىمەن، بارلىعى جۇمىس ىستەپ جاتىر. اتقارىلاتىن جۇمىستاردىڭ ءبىرازى كوميتەتتەر اياسىندا، جۇمىس توپتارىندا جۇرگىزىلەدى»، - دەدى ە. قوشانوۆ.
بۇل تۇرعىدا ءماجىلىس ءتوراعاسى پارلامەنتتەگى ەڭ نەگىزگى جۇمىستار كوميتەتتەردە، جۇمىس توبىندا ىسكە اسىرىلاتىنىن ناقتىلادى.
«ەڭ باستى پىكىرتالاستار كوميتەتتەردە جۇرگىزىلەدى. سوندىقتان كوميتەت وتىرىستارىندا كوتەرىلەتىن ماسەلەلەرگە نازار اۋدارۋ كەرەك»، - دەدى ەرلان قوشانوۆ.
