الماتىدا ۇلى قاعاندارعا ارنالعان كورمە اشىلدى

كورمەنىڭ اۆتورى موڭعوليا مادەنيەت ەلشىسى، بەلگىلى قىلقالام شەبەرى ەردەنەحۋياگ اريۋنبولد. ءىس- شارا قازاقستان مەن موڭعوليا اراسىنداعى ديپلوماتيالىق قارىم- قاتىناستىڭ 30 جىلدىعىنا ارنالعان. مۇندا الىپ يمپەريانىڭ نەگىزىن قالاۋشى شىڭعىس حاننان باستاپ، موڭكەگە دەيىنگى حانداردىڭ سۋرەتتەرىن كورۋگە بولادى.

سونداي- اق التىن پايزا ۇلگىلەرى قويىلعان. التىن پايزا دەگەنىمىز - حانداردىڭ سەنىم گراموتاسى رەتىندە تاپسىراتىن مەتالل تاقتاشا بولعان. سوناۋ 1224 -جىلى شىڭعىس حاننىڭ سامارقاندتا باستىرعان التىن تيىندارىن، نەمەرەسى كۇيىك حاننىڭ ريم پاپاسىنا جازعان حاتتارىن دا سۋرەتشى زامانۋي ۇلگىدە جاڭارتىپ جارىققا شىعارعان.

الۋا تاڭجارىقوۆا، اباي ۋنيۆەرسيتەتى فيلولوگيا ينستيتۋتىنىڭ ديرەكتورى:

- قازىر اقپارتتىڭ تاسقىنى كەزىندە ءوزىنىڭ سول كەزدەگى تامىرى تەرەڭگە كەتكەن ياعني وسى كوشپەندىلەر رۋحىن، كوشپەندىلەر وركەنيەتىن قازىر مىنا سۋرەت ونەرىندە ءتىرىلتۋ. ياعني، سونى قازىرگى جاستارعا وسىنداي سۋرەت ونەرىندە بەرە ءبىلۋ. نەگىزگى ماقساتى وسىندا جاتقان سياقتى.

www.24.kz