پرەزيدەنت اتىراۋداعى اباي اتىنداعى ورتالىققا باردى
پرەزيدەنت ورتالىقتا بەلگىلى تۇلعالاردىڭ دومبىرالارىنان جاساقتالعان كوشپەلى كورمەنى تاماشالادى. كورمەگە اتىراۋ وبلىستىق تاريحي-ولكەتانۋ مۇراجايىنىڭ قورىندا ساقتالعان اباي قۇنانباي ۇلى، دينا نۇرپەيىسوۆا، ماحامبەت وتەمىس ۇلى سىندى تاريحي تۇلعالاردىڭ، بەلگىلى عالىم اقسەلەۋ سەيدىمبەكتىڭ، كومپوزيتور، جازۋشى ءىليا جاقانوۆتىڭ، نۇرعيسا تىلەنديەۆتىڭ، رىسباي عابديەۆتىڭ، قارشىعا احمەدياروۆتىڭ، ءازيدوللا ەسقاليەۆتىڭ، ءاسيما ىزمۇحامبەتوۆانىڭ، ايگۇل ۇلكەنبايەۆانىڭ جانە باسقا دا ونەر قايراتكەرلەرىنىڭ دومبىرالارى قويىلعان.
اباي ورتالىعىندا وقۋشىلاردىڭ ۇيىرمەلەرگە قاتىسىپ، ونەر تۇرلەرىن ۇيرەنۋىنە جان-جاقتى جاعداي جاسالعان.
پرەزيدەنت «JasSpace» STEM زەرتحاناسىندا جاسالعان جوبالارمەن، بۇيىمدارمەن تانىستى. سونداي-اق ءبىر توپ جاس دومبىراشى قۇرمانعازىنىڭ «بالبىراۋىن» كۇيىن ورىندادى.
«بارەكەلدى! قادىر مىرزا-ءالى اعامىز ايتقانداي، «ناعىز قازاق - قازاق ەمەس، ناعىز قازاق - دومبىرا». سوندىقتان ناعىز قازاق ءارقاشان وسىنداي بولۋى كەرەك!» - دەدى پرەزيدەنت.
سونداي-اق وسكەلەڭ ۇرپاقتى ونەر-بىلىمگە باۋليتىن اباي ورتالىعىنا پرەزيدەنت اتىنان اۆتوبۋس تارتۋ ەتىلدى.
