22:27, 07 - قاراشا 2022 | GMT +5
نوكاۋت العان ايدوس ەربوسىن ۇلىنىڭ ومىرىنە قاۋىپ ءتونىپ تۇرعان جوق - دارىگەرلەر
استانا. قازاقپارات - Suleimen Promotions كومپانياسى وزدەرىنىڭ Instagram پاراقشاسىندا قازاقستاندىق بوكسشى ايدوس ەربوسىن ۇلىنىڭ جاعدايىنا قاتىستى رەسمي مالىمدەمە جاسادى، دەپ حابارلايدى قازاقپارات.
«الەم چەمپيونى تيتۋلى ءۇشىن بولعان جەكپە-جەكتەن كەيىن ايدوس ەربوسىن ۇلى ميننەاپوليستەگى ەڭ جاقسى اۋرۋحاناعا جاتقىزىلدى. دارىگەرلەردىڭ ايتۋىنشا، ومىرىنە قاۋىپ ءتونىپ تۇرعان جوق، ەكى اپتاعا جۋىق دارىگەرلەردىڭ باقىلاۋىندا بولادى»، - دەلىنگەن حابارلامادا.
بۇعان دەيىن حابارلانعانداي، وتكەن دەمالىس كۇندەرى سۋپەر ورتا سالماقتا WBA نۇسقاسى بويىنشا «تۇراقتى» الەم چەمپيونى تيتۋلى ءۇشىن وتكەن جەكپە-جەكتە ەربوسىن ۇلى كۋبالىق داۆيد موررەلدەن اۋىر نوكاۋت الىپ، جەڭىلىپ قالعان بولاتىن.
كەيىننەن اۋرۋحاناعا جەتكىزىلگەن ەدى. بۇگىن ايدوستىڭ جاساندى كومادا جاتقانى بەلگىلى بولدى.
