قاراشانىڭ اياعىندا استانادا سيريا پروتسەسىنىڭ كەزەكتى راۋندى وتەدى
«سيريا كەلىسسوزدەرى قاراشانىڭ اياعىندا وتەدى»، - دەدى ايبەك سمادياروۆ ب ا ق وكىلدەرىنىڭ سۇراعىنا بەرگەن جاۋابىندا.
ەسكە سالساق، بيىل ماۋسىم ايىندا سيريا بويىنشا استانا پروتسەسىنىڭ كەپىلگەر ەلدەرى بىرلەسكەن مالىمدەمە جاسادى.
«استانا فورماتىنداعى كەپىل ەلدەر رەتىندە يران يسلام رەسپۋبليكاسىنىڭ، رەسەي فەدەراتسياسىنىڭ جانە تۇركيا رەسپۋبليكاسىنىڭ وكىلدەرى: سيريا اراب رەسپۋبليكاسىنىڭ ەگەمەندىگىنە، تاۋەلسىزدىگىنە، بىرلىگىنە جانە اۋماقتىق تۇتاستىعىنا، سونداي-اق ب ۇ ۇ جارعىسىنىڭ ماقساتتارى مەن قاعيداتتارىنا وزدەرىنىڭ مىزعىماس ادالدىقتارىن قۋاتتادى جانە بۇل قاعيداتتاردى جالپىعا بىردەي ساقتاۋ جانە قۇرمەتتەۋ قاجەت ەكەنىن باسا ايتتى. ءبىز الەمدەگى جانە ايماقتاعى جاعدايدىڭ دامۋىن قاراستىرىپ، سيريا داعدارىسىن تۇراقتى رەتتەۋدى قامتاماسىز ەتۋدەگى استانا پروتسەسىنىڭ جەتەكشى ءرولىن اتاپ وتتىك. ولار تەرروريزمنىڭ بارلىق نىساندارى مەن كورىنىستەرىمەن كۇرەسۋ جانە سيريانىڭ ەگەمەندىگى مەن اۋماقتىق تۇتاستىعىنا نۇقسان كەلتىرۋگە باعىتتالعان جانە كورشىلەس ەلدەردىڭ ۇلتتىق قاۋىپسىزدىگىنە قاتەر توندىرەتىن سەپاراتيستىك جوسپارلارعا قارسى تۇرۋ ماقساتىندا ىنتىماقتاستىقتى جالعاستىرۋعا بەل بايلايتىندىقتارىن ءبىلدىردى»، دەلىنگەن مالىمدەمەدە.
