قازاقستان قىسقى تۋريزمى تارتىمدى ت م د- داعى ەلدەردىڭ كوشىن باستادى
تۋرستات دەرەگىنە سايكەس، قىسقى دەمالىسقا قولايلى ت م د- داعى 5 ۇزدىك ەلدىڭ قاتارىنا قازاقستان، ازەربايجان، قىرعىزستان، وزبەكستان جانە ارمەنيا كىرەدى.
قىستا ساياحاتتاعاندى جاقسى كورەتىن تۋريستەر ءۇشىن قازاقستاندا استانا مەن الماتى قالالارى، الماتى تاۋلارىنداعى شىمبۇلاق، بۋراباي جانە شىعىس قازاقستان وبلىسىنداعى تاۋ شاڭعىسى شيپاجايى وتە تارتىمدى.
ال ازەربايجاندا تۋريستەر ەل استاناسى باكۋ مەن شەكي قالاسىنا، شاحداگ پەن تۋفانداگ تاۋ تاڭعىسى شيپاجايىنا جانە نافتالان ساۋىقتىرۋ شيپاجايىنا ءجيى بارادى.
قىرعىزستاندا بىشكەك قالاسى، قاراكول تاۋ شاڭعىسى شيپاجايى جانە سۋ قاتپايتىن ىستىقكول تۋريستەردىڭ سۇيىكتى ورنىنا اينالعان.
تۋريستەر قىستى كۇنى وزبەكستان استاناسى تاشكەنت قالاسىنا، جىبەك جولى بويىنداعى بۇقارا مەن سامارقاند قالالارىنا جانە چيمگان تاۋ شاڭعىسى شيپاجايىنا بارۋدى قالايدى.
ارمەنيا بولسا استاناسى ەريەۆانمەن جانە تساحكادزور تاۋ شاعىسى كۋرورتىمەن قىسقى تۋريزمدى جاقسى كورەتىندەر ءۇشىن تانىمال ورىنعا اينالعان.
