قاڭتار وقيعاسى كەزىندە ۇرلانعان قارۋدان قانشاسى تابىلدى

«جاپپاي تارتىپسىزدىكتەر كەزىندە قىزمەتتىك جانە ازاماتتىق قارۋلار ۇرلاندى. بۇل ازاماتتاردىڭ ومىرىنە قاۋىپ توندىرەتىنى بەلگىلى. وسى ورايدا پوليتسەيلەر ۇرلانعان قارۋلاردى ىزدەپ تابۋ جۇمىسىن جالعاستىرىپ جاتىر. سونىمەن قاتار زاڭسىز اينالىمداعى قارۋلاردى تاركىلەۋ بويىنشا بەلسەندى جۇمىس جۇرۋدە. بۇگىنگى كۇنگە دەيىن شۇعىل پروفيلاكتيكالىق كەشەندى ءىس-شارالار بارىسىندا 3364 دانا قارۋ جانە 55 مىڭنان اسا وق-ءدارى الىندى»، - دەدى ق ر ءى ءى م تەرگەۋ دەپارتامەنتىنىڭ باستىعى سانجار ءادىلوۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

تەرگەۋ دەپارتامەنتى باسشىسىنىڭ مالىمەتىنشە، الىنعان 934 قارۋ جاپپاي تارتىپسىزدىكتەر كەزىندە ۇرلانعان.

«تەك سوڭعى ايدا 645 دانا قارۋ زاڭسىز اينالىمنان الىندى. ونىڭ كوبىسىنىڭ ءنومىرى وشىرىلگەن. كريميناليستيكالىق زەرتتەۋ قورىتىندىسى بويىنشا 20 دانا قارۋ «قاڭتار وقيعاسى» كەزىندە ۇرلانعان بولىپ شىقتى»، - دەيدى ول.

سونداي-اق سپيكەر ۇرلانعان قارۋلاردى ىزدەۋ شاراسى جالعاسىپ جاتقانىن ايتتى.

بۇعان دەيىن حابارلاعانىمىزداي، قاڭتارداعى جاپپاي تارتىپسىزدىكتەرگە قاتىستى 117 ادام باس بوستاندىعىنان ايىرىلدى.