قازاقستاندا ادام قۇقىقتارى جونىندەگى ۋاكىلدىڭ قۇزىرەتى كۇشەيدى
«ادام قۇقىقتارى جونىندەگى ۋاكىل تۋرالى» كونستيتۋتسيالىق زاڭنىڭ ماقساتى - ازاماتتاردىڭ قۇقىقتارىن ىسكە اسىرۋدىڭ كەپىلى رەتىندە رەسمي ۋاكىلدىڭ كونستيتۋتسيالىق مارتەبەسىن بەكىتۋ بويىنشا ەنگىزىلگەن وزگەرىستەردى ىسكە اسىرۋ. كونستيتۋتسيانىڭ 83-بابىنىڭ نورمالارىمەن ۋاكىل قىزمەتىنىڭ مىندەتتەرى مەن قىزمەتىنىڭ تاۋەلسىزدىگىنە كەپىلدىك بەكىتىلگەن. وسىلايشا بۇدان بىلاي ۋاكىلدىڭ قۇقىقتىق جاعدايى مەن قىزمەتىن ۇيىمداستىرۋ كونستيتۋتسيالىق زاڭمەن ايقىندالادى»، - دەدى الما مۇقانوۆا و ك ق- دە وتكەن باسپا ءسوز ءماسليحاتىندا.
ونىڭ ايتۋىنشا، ادام قۇقىقتارى جونىندەگى ۋاكىلدىڭ قۇزىرەتى كۇشەيتىلگەن.
«اتاپ ايتقاندا، ۋاكىلگە ازاماتتاردىڭ قۇقىقتارى مەن بوستاندىعىن قورعايتىن نورماتيۆتىك قۇقىقتىق اكتىلەردىڭ كونستيتۋتسياعا سايكەستىگى ماسەلەسى بويىنشا كونستيتۋتسيالىق سوتقا جۇگىنۋ قۇقىعى كوزدەلگەن. سونىمەن قاتار ۋاكىلگە قىلمىستىق- اتقارۋ جۇيەسى مەكەمەلەرى جانە ارناۋلى الەۋمەتتىك قىزمەتتەر كورسەتەتىن ۇيىمدارعا كەدەرگىسىز كىرۋ قۇقىعى بەكىتىلدى. ۋاكىلدىڭ مەملەكەتتىك ورگاندار، جەرگىلىكتى اتقارۋشى ورگاندار، وزگە دە ۇيىمدار مەن ازاماتتار اراسىنداعى داۋلاردى رەتتەۋ جونىندەگى قوعامدىق ديالوگقا قاتىسۋ جانە ءتيىستى ۇسىنىمدار بەرۋ مۇمكىندىگى بەكىتىلدى»، - دەيدى ول.
