ەلىمىزدە ساياسي پارتيانى تىركەۋ تالاپتارى جەڭىلدەدى

«ساياسي پارتيالاردى تىركەۋگە قويىلاتىن تالاپتار وزگەرەدى. ەندىگى ۋاقىتتا ساياسي پارتيانى تىركەۋ ءۇشىن 20 مىڭ ەمەس، 5 مىڭ مۇشە جەتكىلىكتى. ال وڭىرلىك وكىلدىكتەرىنىڭ سانى 600 دەن 200 ادامعا دەيىن ازايتىلدى. سول سياقتى ساياسي پارتيا قۇرۋ ءۇشىن ازاماتتاردىڭ باستاماشىل توبىنىڭ ەڭ ازى 1 مىڭنان 700 ادامعا دەيىن تومەندەتىلدى. ودان بولەك، پارتيا قۇرۋ جونىندەگى قۇرىلتاي سەزىن وتكىزۋ مەرزىمىن 2 ايدان 3 ايعا دەيىن ۇلعايتۋ بويىنشا تۇزەتۋ كوزدەلگەن»، - دەدى الما مۇقانوۆا و ك ق- دە وتكەن بريفينگتە.

سونداي- اق، ۆيتسە- ءمينيستردىڭ ايتۋىنشا، جەر جانە ونىڭ رەسۋرستارىن حالىق مەنشىگىنە بەلگىلەۋدە كونستيتۋتسيانىڭ 6-بابىنا ناقتىلايتىن تۇزەتۋلەر ەنگىزىلدى.

«كەلەسى زاڭنامالىق وزگەرىس بۇل سۋديالىق لاۋازىمدارعا كونكۋرستىق راسىمدەردى ونلاين- ترانسلياتسيالاۋدى ەنگىزۋگە قاتىستى. سول سياقتى نورما شىعارۋ پروتسەسىن جەڭىلدەتۋگە جانە نورمالاردى رەتتەۋ دەڭگەيلەرىن ناقتىلاۋعا، ءماسليحات ءتوراعاسى لاۋازىمىن ەنگىزۋگە باعىتتالعان جەكەلەگەن تۇزەتۋلەر قاراستىرىلدى»، - دەيدى ول.

بۇعان دەيىن ق ر پارلامەنتى مەن ۇكىمەتىنىڭ وكىلەتتىگىنە قاتىستى زاڭناماعا ءبىرقاتار وزگەرىس ەنگىزىلگەنىن حابارلاعان ەدىك.