قازاق اداي جىلقىسىن اسىل تۇقىمدى مال رەتىندە تانۋ كەرەك - پرەزيدەنت
«تۇيە ونىمدەرىنە بۇكىل ەلىمىزدە سۇرانىس وتە جوعارى. ودان الىناتىن شيكىزاتتى تەرەڭ وڭدەۋ جۇمىسىن قولعا الۋ قاجەت. بۇل ءونىمنىڭ ءتۇرىن كوبەيتەدى ءارى ونىڭ باعاسىنا وڭ ىقپال ەتەدى. ۇكىمەتكە تۇيە شارۋاشىلىعىن قولداۋعا ارنالعان مەملەكەتتىك شارالاردى كۇشەيتۋ ماسەلەسىن پىسىقتاۋدى تاپسىرامىن. بۇل سالاعا سۋبسيديا بەرۋ جولدارىن دا قاراستىرۋ كەرەك»، - دەدى مەملەكەت باسشىسى.
ول حالقىمىز ءۇشىن جىلقىنىڭ ورنى قاشاندا ەرەكشە ەكەنىنە توقتالدى. قازاق اداي جىلقىسىن ماڭعىستاۋدىڭ بىرەگەي بايلىعى دەۋگە بولادى. بۇل ارعىماقتار شولگە ەرەكشە شىدامدى، الىس جولعا ءتوزىمدى ەكەنىن ءبارى بىلەدى.
«ماڭعىستاۋ تۇلپارلارى الىسقا شاباتىن حالىقارالىق مارافون جارىستارىندا ءاردايىم بايگە الىپ ءجۇر.
جاقىندا وتكەن «ۇلى دالا جورىعىندا» وبلىس شاباندوزدارى جەكە- دارا وزىپ كەلدى. قازاق اداي جىلقىسىن الەمگە تانىتا الساق، بۇل ءبىزدىڭ تاعى ءبىر تاماشا برەندىمىزگە اينالادى. سوندىقتان، ۇكىمەتكە ونى عىلىمي تۇردە اسىل تۇقىمدى مال رەتىندە تانۋ جانە كوبەيتۋ ءۇشىن ءتيىستى جۇمىستاردى جەدەل قولعا الۋدى تاپسىرامىن»، - دەدى مەملەكەت باسشىسى.
«ازىق- تۇلىكتىڭ دۇكەندەگى باعاسىنا اسەر ەتەتىن ارتىق دەلدالدى الدىمەن مەيلىنشە ازايتىپ، سودان كەيىن بارىنەن ارىلۋ كەرەك. تاماق ونىمدەرىن ساقتايتىن ورىنداردى كوبەيتۋ - وزەكتى ماسەلە. قازىر مۇندا كوتەرمە ساۋدا جانە تاۋاردى ءبولىپ- تاراتۋ ورتالىعى سالىنىپ جاتىر. ونىڭ قۇرىلىس جۇمىستارىن ۋاقتىلى اياقتاۋ قاجەت. جاڭا قويمالار سالۋ ءۇشىن اكىمدىك جەكە ينۆەستورلارعا دايىن ينفراقۇرىلىمى بار جەر بەرۋى كەرەك. ءبىز ازىق- تۇلىك ءونىمىن وندىرۋشىلەردى الدىن الا قارجىلاندىرۋ ءتاسىلىن ەنگىزدىك. مۇنى وبلىستىڭ الەۋمەتتىك- كاسىپكەرلىك كورپوراتسياسى ءتيىمدى پايدالانۋىنا بولادى. ءونىمدى ساتىپ الۋ ءۇشىن وزگە وڭىرلەردەگى شارۋالارمەن الدىن الا كەلىسىمشارت جاساۋعا مۇمكىندىك بار. بۇل جۇمىستا ءبارىن دەر كەزىندە جاساۋ وتە ماڭىزدى» دەپ اتاپ ءوتتى پرەزيدەنت.
ونىڭ ايتۋىنشا، ن ارىقتىڭ بەتالىسىن مۇقيات زەردەلەي وتىرىپ، ەرتەرەك قامدانعان ابزال.
بىلتىر قاتتى قۋاڭشىلىقتىڭ جانە جەمشوپ تاپشىلىعىنىڭ كەسىرىنەن اۋىل حالقى قانشاما مالىنان ايىرىلدى. مۇنداي جاعدايدىڭ قايتالانۋىنا جول بەرۋگە بولمايدى.
«وبلىس حالقى قيىندىققا تاپ بولعاندا جۇرتىمىز بۇكىل ەل بولىپ كومەك قولىن سوزدى، بەرەكەلى بىرلىگىن كورسەتتى. ماڭعىستاۋ وبلىسى جىل سايىن مال ازىعىنىڭ 75 پايىزىن باسقا وبلىستاردان الادى. سوندىقتان، جەمشوپتىڭ باعاسىن ارزانداتۋ ماسەلەسى وتە وزەكتى. جەرگىلىكتى جەمشوپ قورىن كوبەيتۋ قاجەت. وزگە وڭىرلەردەن مال ازىعىن تاسىمالداۋ ءۇشىن جەڭىلدەتىلگەن تاريف ەنگىزۋ جولىن قاراستىرۋ كەرەك. اگروونەركاسىپ كەشەنىنىڭ ونىمدىلىگىن ارتتىرۋ ءۇشىن عىلىمي مەكەمەلەرمەن تىعىز ىنتىماقتاستىق ورناتۋ ماڭىزدى. سونداي- اق، قولدا بار مۇمكىندىكتى جانە ءوڭىردىڭ ەرەكشەلىكتەرىن ءتيىمدى پايدالانعان ءجون. مىسالى، بۇل جاقتا جىل بويى - كۇن اشىق. سوندىقتان، جىلىجاي سالۋ ارزانعا تۇسەدى. ونىڭ جىلۋى مەن جارىعىنا ەلەكتر قۋاتى از جۇمسالادى. سۋى از، توپىراعى قۇنارسىز جەردە اۋىل شارۋاشىلىعىن دامىتۋدىڭ بىردەن- ءبىر جولى - جاڭا تەحنولوگيالاردى ەنگىزۋ. اۋا رايى وسى ايماققا ۇقسايتىن يزرايل سياقتى ەلدەردىڭ وزىق تاجىريبەسىن مۇقيات زەرتتەۋ قاجەت»، - دەيدى قاسىم- جومارت توقايەۆ.
