ۇلتتىق مۇددەنى قورعاۋعا باعىتتالعان ساياساتتى جوعارى كاسىبي دەڭگەيدە جۇرگىزەمىز - پرەزيدەنت
بۇل تۋرالى ق ر پرەزيدەنتى قاسىم- جومارت توقايەۆ ماڭعىستاۋ وبلىسى جۇرتشىلىعىمەن كەزدەسۋىندە ايتتى.
«شىن مانىندە، وتانىمىز - ءبىر، حالقىمىز دا - ءبىر. بۇل - ەڭ باستى قاعيدات. قازاقستاندى كورە المايتىن ەلدەر بار ەكەنىنە ءبارىمىز كۋا بولىپ وتىرمىز. سوندىقتان، ىشكى ساياساتتا دا، سىرتقى ساياساتتا دا اسا قىراعى بولۋىمىز كەرەك. وتانىمىزدىڭ ۇلتتىق مۇددەلەرىن قورعاۋعا باعىتتالعان ساياساتتى جوعارى كاسىبي دەڭگەيدە جۇرگىزەمىز. ءسوز رەتى كەلگەندە مەن تاعى ءبىر ماڭىزدى ماسەلەگە ارنايى توقتالعىم كەلەدى. مەن ەڭبەك قۇندىلىعى تۋرالى ۇنەمى ايتىپ ءجۇرمىن. ءبىزدىڭ قوعامدا ەڭبەك ادامى ەڭ قۇرمەتتى ادام بولۋعا ءتيىس. اركىمگە ەڭبەگىنە ساي، لايىقتى جالاقى تولەنۋى كەرەك. ەڭبەكتىڭ قادىرىن بىلەتىن جۇرت قانا ەڭبەكقور ۇلتقا اينالادى. بۇل - مەن ءۇشىن مىزعىماس ۇستانىم»، - دەدى ق ر پرەزيدەنتى.
مەملەكەت باسشىسى «ارسەلورميتتال تەمىرتاۋ» كاسىپورنىندا اپاتتار جيىلەپ، قايتالانا بەرەتىن جاعدايعا جەتكەنىن ايتتى.
«بۇل - بيىل ادام ولىمىنە الىپ كەلگەن ەكىنشى قايعىلى وقيعا. 2006 -جىلدان بەرى مەتاللۋرگيا كومبيناتىندا 20-دان استام اپات بولىپ، 100-دەن اسا ازامات قازا تاپتى.
مەملەكەتتىك ورگاندار تاراپىنان بىرنەشە رەت ەسكەرتۋ جاسالعانىنا قاراماستان، جاعداي جاقسارماي وتىر. وسىعان وراي جەدەل تۇردە قاتاڭ شارالار قابىلداۋعا تۋرا كەلەدى. مەن بۇل جونىندە جۋىردا قاراعاندىدا سويلەگەن سوزىمدە ەسكەرتتىم. كاسىپورىنعا كەشەندى تەكسەرۋ جۇرگىزۋ كەرەك. سونىڭ ىشىندە ەڭبەك قاۋىپسىزدىگى مەن بارلىق ەكولوگيالىق نورما تالاپتارىنىڭ ساقتالۋىنا ءمان بەرىلۋگە ءتيىس»، - دەدى قاسىم- جومارت توقايەۆ.
پرەزيدەنتتىڭ ايتۋىنشا، كومبيناتتىڭ يەسى تەحنيكالىق جاعدايدى جاقسارتۋعا جانە جاڭعىرتۋعا جەتكىلىكتى دارەجەدە ينۆەستيتسيا قۇيعانىن انىقتاۋ ماڭىزدى.
«بالكىم، بۇل جۇمىسقا زاۋىتتىڭ جاعدايىنا شىنايى باعا بەرەتىن حالىقارالىق كومپانيانى تارتۋ كەرەك شىعار. مۇنداي قايعىلى جاعداي قايتالانباۋى ءۇشىن بارلىق قاجەت شارانى قابىلداۋ كەرەك. ەڭ باستىسى - ازاماتتارىمىزدىڭ دەنساۋلىعى مەن ءومىرى»، - دەدى قاسىم- جومارت كەمەل ۇلى.
