يتاليانىڭ وڭتۇستىگىندە تۋريستەر مىنگەن تىكۇشاق اپاتقا ۇشىرادى

تىكۇشاق فودجا پروۆينتسياسىنىڭ كاستەل- پاگانو- دي- اپريسەنا ەلدى مەكەنىندە قۇلاعان. بورتتا بولعان 7 ادامنىڭ بارلىعى قازا تاپتى. ونىڭ ەكەۋى - ۇشقىش، بىرەۋى - جەدەل جاردەم دارىگەرى جانە قالعان تورتەۋى سلوۆەنيالىق تۋريستەر وتباسىنىڭ مۇشەلەرى بولعان.

ساياحاتشىلار فودجاعا ءبىر كۇن بۇرىن ورالماق بولعان، ءبىراق اۋا رايىنىڭ قولايسىزدىعىنا بايلانىستى ساپارلارىن كەيىنگە قالدىرعان. ال، ترەميتي ارالدارىندا جۇمىس ىستەيتىن دارىگەر كەزەكشىلىگىنەن قايتىپ كەلە جاتقان. ول داۋىلعا بايلانىستى تەڭىز جولىمەن ەمەس، اۋە كولىگىمەن ءجۇرۋدى ۇيعارعان.