قازاقستاندا بالانىڭ تەگى رەتىندە اكەسىن ەمەس، اناسىن جازدىرۋعا بولا ما؟

ياعني، باعاندا اكەسىنىڭ تەگىنىڭ ورنىنا اناسىنىڭ تەگى كورسەتىلەدى. مۇنداي جاعدايلار تۋرالى تۇركسىب اۋداندىق ازاماتتىق حال اكتىلەرىن تىركەۋ ءبولىمىنىڭ باسشىسى جاننا دۇيسەمبايەۆا ايتتى، - دەپ حابارلايدى Massaget.kz.

ماماننىڭ ايتۋىنشا، بالانىڭ تۋۋىن مەملەكەتتىك تىركەۋ قازاقستان رەسپۋبليكاسىنىڭ «نەكە (ەرلى- زايىپتىلىق) جانە وتباسى تۋرالى» كودەكسىندە جازىلعان.

ايتا كەتەيىك، «نەكە (ەرلى-زايىپتىلىق) جانە وتباسى تۋرالى» ق ر كودەكسىنىڭ 63-بابىنا سايكەس بالا ەسىمىن، اكەسىنىڭ اتىن جانە تەگىن الۋعا قۇقىلى. وسى باپتىڭ 2-تارماعىنا سايكەس «اكەسىنىڭ اتى اتا- انالارىنىڭ نەمەسە بالانىڭ باسقا دا زاڭدى وكىلدەرىنىڭ تىلەگى بويىنشا ونىڭ اكەسى بولىپ كورسەتىلگەن ادامنىڭ اتى بويىنشا بەرىلەدى».

«بالاعا اكە اتىن بەرۋ ءتارتىبى ءبىزدىڭ زاڭناماعا سايكەس بەلگىلەنەدى. بالاعا اكەنىڭ اتىن باسقا جاعدايدا بەرىلمەگەن. دەسە دە، ءبىزدىڭ زاڭنامادا «انانىڭ اتى» دەگەن ۇعىم جوق. ءبىز «اكەسىنىڭ اتى» دەگەن باعانعا اناسىنىڭ اتىن جازا المايمىز. سونىمەن قاتار، قازىر ءجيى اكەسىنىڭ اتى كورسەتىلمەيدى، الىنىپ تاستاپ، اكەسىنىڭ اتى تەگى رەتىندە قولدانىلادى»، - دەدى تۇركسىب اۋداندىق ازاماتتىق حال اكتىلەرىن تىركەۋ ءبولىمىنىڭ باسشىسى جاننا دۇيسەمبايەۆا.

سونىمەن قاتار، ماماننىڭ ايتۋىنشا، قازىر بالاعا قوس ەسىم بەرۋگە تىيىم سالىنباعان.