ابايلىقتار كۇردەلى وتانى مەديتسينالىق ساقتاندىرۋ ەسەبىنەن جاساتا الادى
سەمەي. قازاقپارات - بۇدان بىلاي اباي وبلىسىنىڭ تۇرعىندارى م ءا م س ەسەبىنەن مي تامىرلارىن قالپىنا كەلتىرۋ بويىنشا جوعارى تەحنولوگيالىق وتا جاساتا الادى، دەپ حابارلايدى قازاقپارات.
جەرگىلىكتى كامىدىكتىڭ مالىمەتىنشە، سەمەي قالاسىندا جەدەل مەديتسينالىق جاردەم اۋرۋحاناسىنىڭ نەيروحيرۋرگيالىق بولىمشەسىندە يشەميالىق ينسۋلت كەزىندە مي تامىرلارىنا ەكسترا- ينتراكرانيالدى ميكرواناستوموزدىڭ رەكونسترۋكتيۆتى وتا جاساۋ جۇرگىزىلە باستادى. قازىرگى ۋاقىتتا ەكى وپەراتسيا جاسالعان.
«ماماندار مۇنداي وتا جوعارى تەحنولوگيالىق مەديتسينالىق كومەك ساناتىنا جاتاتىنىن جانە م ءا م س شەڭبەرىندە جەدەل مەديتسينالىق جاردەم اۋرۋحاناسىنىڭ نەيروحيرۋرگيا بولىمشەسىندە كورسەتىلەتىنىن اتاپ ءوتتى. سوندىقتان ناۋقاس ادامنىڭ مەديتسينالىق قىزمەتتەردىڭ بارلىق ءتۇرىن الۋى ءۇشىن م ءا م س جۇيەسىندە ساقتاندىرىلعان بولۋى قاجەت»، - دەپ جازدى ۆەدومستۆودان.
الەۋمەتتىك مەديتسينالىق ساقتاندىرۋ قورى ءوڭىر تۇرعىندارىنا م ا م ءس جۇيەسىندە تولەمنىڭ جاڭا بالاما ءادىسىن پايدالانۋدى ۇسىنادى. 5- قىركۇيەكتەن باستاپ تۇرعىندار الدىن- الا ءبىر جىلعا ساقتاندىرىلا الادى. ال وعان دەيىنگى 12 ايداعى قارىزدى وتەۋدىڭ قاجەتى جوق.
