مينيسترلىك پروكۋرورلاردىڭ اكىمشىلىك سوت ءىسىن جۇرگىزۋگە قاتىسۋىن شەكتەۋدى ۇسىندى
اشىق تالقىعا شىعارىلعان قۇجاتتا پروكۋرورلاردىڭ اكىمشىلىك سوت ءىسىن جۇرگىزۋگە قاتىسۋىن شەكتەيتىن نورما ەنگىزۋ ۇسىنىلعان.
«گەرمانيا مەن لاتۆيادا پروكۋراتۋرا اكىمشىلىك پروتسەسكە ونىڭ ارەكەتتەرىنە شاعىمدانعان جاعدايدا عانا قاتىسا الادى. وسىعان بايلانىستى ول تالاپ قويىلعان مەملەكەتتىڭ نەمەسە زاڭدى تۇلعانىڭ وكىلى بولا الادى. الايدا پروكۋراتۋرانىڭ قانداي دا ءبىر قاداعالاۋ فۋنكسياسىنا قاتىسۋعا نەمەسە ورىنداۋعا جالپى قۇقىعى جوق.
گرۋزيانىڭ اكىمشىلىك زاڭناماسىندا پروكۋروردىڭ سوت تالقىلاۋىنا قاتىسۋى دا قاراستىرىلماعان. گرۋزيادا پروكۋرور اكىمشىلىك-قۇقىقتىق قاتىناستاردىڭ قاتىسۋشىسى بولىپ تابىلمايدى.
جالپى العاندا، پروكۋروردىڭ قاتىسۋى اكىمشىلىك سوت ءىسىن جۇرگىزۋدىڭ سيپاتىنا سايكەس كەلمەيتىنىن ءتۇسىنۋ ماڭىزدى. وندا ءارقاشان ءالسىز تاراپ (ازامات) كۇشتى تاراپپەن (مەملەكەتتىك ورگان) تەڭەستىرىلەدى»، - دەلىنگەن قۇجاتتا.
وسى ماسەلەلەردى جانە حالىقارالىق تاجىريبەنى ەسكەرە وتىرىپ، ادىلەت مينيسترلىگى پروكۋرورلاردىڭ اكىمشىلىك سوت ءىسىن جۇرگىزۋگە قاتىسۋىن شەكتەيتىن وزگەرىس ەنگىزبەك. ۆەدومستۆو بولجامىنا سايكەس، مۇنىڭ ناتيجەسىندە شاعىم تۇسىرگەن تاراپ پەن جاۋاپ بەرۋشى ورگاندارعا تەڭ قۇقىق بەرىلەدى.
