راقىمشىلىققا ىلىنگەندەر قاشان بوستاندىققا شىعا باستايدى

«مەن سىزگە ناقتى مەرزىمىن ايتا المايمىن. ويتكەنى ءبىرقاتار ءىس ءالى دە تەرگەۋ ورگاندارىنىڭ وندىرىسىندە جاتىر. اۋىر جانە اسا اۋىر قىلمىس تۋرالى ىستەر بويىنشا الدىن الا تەرگەۋ تولىعىمەن جۇرگىزىلەدى. ءىس سوتقا جىبەرىلەدى، سوت بۇل ءىستى قارايدى جانە تەك ۇكىم شىعارىلعان كەزدە عانا سوت راقىمشىلىق اكتىسىن قولدانادى. «راقىمشىلىق جاساۋ تۋرالى» زاڭدا ۋاكىلەتتى ورگاندار راقىمشىلىقتى ورىنداۋ ءۇشىن التى اي ىشىندە بارلىق ۇيىمداستىرۋشىلىق شارالاردى قابىلداۋى كەرەك دەگەن نورما بار»، - دەدى اسەت شىنداليەۆ.

ونىڭ ايتۋىنشا، راقىمشىلىققا ىلىنگەن ادامنىڭ قىلمىسى اۋىر ساناتقا جاتپاسا، سوت زالىنان- اق بوستاندىققا جىبەرىلۋى مۇمكىن.

«ۇكىم بولعان جاعدايدا، ەگەر ادامدى باس بوستاندىعىنان ايىرۋ تۋرالى ۇكىم شىعارىلعان بولسا، مەكەمە اكىمشىلىگى نەمەسە سوتتالعان ادامنىڭ ءوزى سوتقا راقىمشىلىق جاساۋ اكتىسىن قولدانۋ تۋرالى ءوتىنىشحات جىبەرەدى. زاڭ بويىنشا سوت ونى ءبىر اي مەرزىمدە قاراۋى مۇمكىن. سودان كەيىن سوت شەشىم شىعارادى. ەگەر ادام ورتاشا جانە جەڭىل ىستەر بويىنشا سوتتالعان بولسا، ول جازادان بوساتىلادى، ءتىپتى بىردەن سوت زالىندا نەمەسە تەرگەۋ كەزىندە بوساتىلۋى مۇمكىن. ەگەر جازا مەرزىمى قىسقارتىلسا، وندا ول قالعان مەرزىمىن وتەۋى كەرەك»، - دەدى باس پروكۋروردىڭ ورىنباسارى.

اۆتور

ەسىمجان ناقتىباي