قوقىستا قالعان «مۇستافا وزتۇرىك» تۋرالى اكىمدىك تۇسىنىكتەمە بەردى
استانا. قازاقپارات - الماتى وبلىسى مادەنيەت، ارحيۆتەر جانە قۇجاتتاما باسقارماسى تالعار وزەنىنىڭ جاعاسىنداعى كارەر اۋماعىندا تۇرعان مۇستافا وزتۇرىكتىڭ ءمۇسىنى تۋرالى تۇسىنىكتەمە بەردى، دەپ حابارلايدى قازاقپارات ءتىلشىسى.
«تاەكۆوندودان 7 مارتە الەم چەمپيونى وزتۇرىك مۇستافانىڭ شاكىرتى قايىر مەيىربەكوۆ 2004 -جىلى الماتى وبلىسى تالعار اۋدانى بەساعاش اۋىلىندا وزتۇرىك ەسكەرتكىشىن ورناتپاقشى بولىپ، العاشقى نۇسقاسىن اكەلىپ ورناتادى. الايدا ەسكەرتكىش پروپورتسيالارى دۇرىس بولماي كوميسسيا شەشىمىمەن الىنىپ تاستالعان. 2014 -جىلى تالعار اۋدانى بەساعاش اۋىلدىق مادەنيەت ءۇيىنىڭ جانىنان وزتۇرىكتىڭ جاڭا ەسكەرتكىشى ورناتىلدى» دەپ جازىلعان اكىمدىك مالىمەتىندە.
اكىمدىك اقپاراتىنا سۇيەنسەك، جەلىدە جۇرگەن ۆيدەو ءمۇسىندى جويۋعا اپارار كەزدە تۇسىرىلگەن.
«ال مىنا ۆيدەوداعى كونتەينەر جانىندا تۇرعان وزتۇرىك ەسكەرتكىشى - پروپورتسيالارى سايكەس كەلمەي الىنىپ تاستالعان العاشقى نۇسقاسى. سۋرەت ءمۇسىندى جويۋعا اپارار ساتىندە ءتۇسىرىپ الىنعان»، - دەپ جازادى باسقارمانىڭ باسپا ءسوز قىزمەتى.
