سەركە تەاترى مۇحتار اۋەزوۆتىڭ مەرەيتويى اياسىندا «كوكسەرەك» قويىلىمىن ۇسىنادى

4-5-قاراشا كۇندەرى سەركە تەاترىندا مۇحتار اۋەزوۆتىڭ 125 جىلدىعى اياسىندا «كوكسەرەك» اڭگىمەسىنىڭ جەلىسى بويىنشا «كوكسەرەك» قويىلىمىنىڭ پرەمەراسى وتەدى. قويۋشى رەجيسسەرى، ك س ر و حالىق ءارتيسى ل. حەيفەتس شەبەرحاناسىنىڭ گيتيس تۇلەگى كونستانتين دەنيسكين، پلاستيكا رەجيسسەرى - سوفيا گۋرجيەۆا، قويۋشى - سۋرەتشى - الەنا گرەك.

كوكسەرەك - ادامزات پەن تابيعاتتىڭ ارپالىسى، رۋحاني تەكەتىرەس الاڭى. قاسقىر – ادام - تابيعات اراسىنداعى كۇردەلى ماسەلە - سپەكتاكلدىڭ نەگىزگى ارقاۋى. كوكسەرەكتىڭ تابيعاتىنا جات ورتادا، ادامدار اراسىندا ءوسۋى - ۇلكەن تراگەديانىڭ باسى ەدى. بولمىسىنا جات ورتادا وسكەن ول ۇيالاستارىن ىزدەپ، بوستاندىققا ۇمتىلدى. مۇحتار اۋەزوۆتىڭ عاسىرعا جۋىق عۇمىرى بار اڭگىمەسىنىڭ زاماناۋي وزەكتىلىگى ەش وزگەرگەن ەمەس.

ايتا كەتەيىك، سەركە تەاترى 2022-جىلى ءوزىنىڭ 50 جىلدىعىن اتاپ وتپەك. 1972-جىلى ماسكەۋلىك شەپكين اتىنداعى تەاتر ۋچيليشەسى قازاق ستۋدياسىنىڭ تۇلەكتەرىنەن ارقالىق قالاسىندا تەاتر قۇرىلىپ، 1988-جىلى جەزقازعان قالاسىندا قىزمەتىن تابىستى جالعاستىرادى.