مەكسيكادا قارسىلاسىن نوكاۋتپەن جەڭگەن قازاق بوكسشى ۇزدىك وندىققا كىردى

استانا. قازاقپارات - بەك نۇرماعانبەت (8-0، 6 ك و) ەكىنشى ورتا سالماقتاعى بوكسشىلار اراسىندا WBA رەيتينگىندە كورسەتكىشىن جاقسارتتى، دەپ حابارلايدى Vesti.kz ءتىلشىسى.

وتانداسىمىز ءبىر ساتى جوعارىلاپ 10-ورىنعا كوتەرىلدى.

WBA International بەلبەۋىنىڭ يەگەرى سوڭعى ايقاسىندا مەكسيكالىق لۋسيانو اراۋحومەن (6-6-3، 3 ك و) جۇدىرىقتاسىپ، تەحنيكالىق نوكاۋتپەن جەڭدى. جەكپە-جەك مەكسيكا استاناسى مەحيكودا 23- قازان كۇنى وتكەن ەدى.

ەسكە سالايىق، اتالمىش ديۆيزيوندا ايدوس ەربوسىن ۇلى (16-0، 11 ك و) كوش باستاپ تۇر.

ەربوسىن ۇلى قاراشا ايىنىڭ 5- جۇلدىزى ا ق ش- تا WBA چەمپيوندىق بەلبەۋى بار كۋبالىق داۆيد موررەلمەن (7-0، 6 ك و) قولعاپ تۇيىستىرەدى.