16:58, 02 - قاراشا 2022 | GMT +5
استانادا قازاق كۇرەسىنەن الەم چەمپيوناتىنا ىرىكتەۋ وتەدى
استانا. قازاقپارات – 5- قاراشا كۇنى استاناداعى جاقسىلىق ۇشكەمپىروۆ اتىنداعى «جەكپە-جەك» سارايىندا قازاق كۇرەسىنەن رەسپۋبليكالىق تۋرنير وتەدى، دەپ حابارلايدى قازاقپارات.
قالا اكىمدىگىنىڭ رەسمي سايتىندا ءمالىم ەتىلگەندەي، «دالا قىراندارى» تۋرنيرىنىڭ ماقساتى - 8 سالماق دارەجەسىندە ەلىمىزدىڭ ەڭ ۇزدىك بالۋاندارىن انىقتاۋ.
جەڭىستىڭ بيىك تۇعىرىنا كوتەرىلگەندەر «دالا قىرانى» تيتۋلىنىڭ يەگەرى اتانىپ، ءوز سالماعىنىڭ «باس بالۋانى» اتاعىنا يە بولادى.
سول سياقتى ءار سالماقتىڭ جەڭىمپازدارى جەلتوقسان ايىندا ەلوردادا وتەتىن الەم چەمپيوناتىنا جولداما الادى.
